Aeroporti Ndërkombëtar i Pekinit Daxing përpunoi një vlerë kumulative importi dhe eksporti prej 102 miliardë juanësh (rreth 14.19 miliardë dollarë amerikanë) deri në prill që nga hapja e tij në vitin 2019, njoftoi Zyra e Doganave të Pekinit të mërkurën, citon “Xinhua”.
Të dhënat tregojnë se aeroporti ka pasur një rritje të qëndrueshme në vlerat e importit dhe eksportit në vitet e fundit, me shifra vjetore që tejkaluan 20 miliardë juanë në vitin 2023 dhe 50 miliardë juanë në vitin 2024.
Në katër muajt e parë të këtij viti, aeroporti trajtoi importe dhe eksporte për një total prej 16.1 miliardë juanësh, një rritje vjetore prej 6.8 për qind.
Që nga viti 2019, aeroporti ka vendosur lidhje tregtare me 127 vende që marrin pjesë në nismën “Një brez, një rrugë” (BRI), me një vlerë kumulative të importit dhe eksportit që arriti në 56.3 miliardë juanë, duke përbërë 55.2 për qind të vëllimit total të tregtisë së jashtme të trajtuar nga aeroporti.
Nga janari deri në prill 2025, tregtia e aeroportit me vendet e “Një brez, një rrugë” arriti në 7.83 miliardë juanë, një rritje prej 48.6 për qind në baza vjetore.
Yu Li, një zyrtar i Doganës së Pekinit, deklaroi se vëllimi i mallrave të import-eksportit përmes aeroportit është rritur ndjeshëm, duke tejkaluar shifrën prej 100.000 tonësh për herë të parë në vitin 2023 dhe duke u ngjitur më tej në 205.000 tonë në vitin 2024.
Gjatë periudhës janar-prill të këtij viti, shifra arriti në 68.000 tonë, duke përfaqësuar një rritje prej 4.8 për qind në baza vjetore.
Më herët këtë muaj, një avion mallrash Airbus A330 i ngarkuar plotësisht me veshje, aksesorë dhe komponentë elektrikë u nis nga aeroporti me një fluturim direkt për në Paris. Kjo rrugë do të shërbejë si një urë ajrore e dedikuar për tregtinë elektronike ndërkufitare Kinë-Europë.
Aeroporti Ndërkombëtar i Pekinit Daxing, i cili ndodhet në jug të kryeqytetit kinez, ka krijuar një rrjet rrugësh ajrore që lidh 48 qytete globale, si Moska, Londra dhe Amsterdami.
Aeroporti ka tërhequr 39 linja ajrore ndërkombëtare dhe ka lançuar 50 rrugë ndërkombëtare./cgtn
