Kina nuk ka ofruar kurrë armë vdekjeprurëse ndaj asnjë pale në konfliktin Rusi-Ukrainë, deklaroi zëdhënësja e diplomacisë kineze Mao Ning, në një konferencë shtypi të organizuar të martën në Pekin.
Ajo i bëri deklaratat në përgjigje të pyetjes së një gazetari se përgjegjësi i inteligjencës ukrainase kishte konfirmuar informacionet që Kina kishte ofruar materiale si kimikate të posaçme, barute dhe pjesë të tjera këmbimi për prodhimet ushtarake, për 20 fabrika municioni në Rusi.
Lidhur me këtë, zëdhënësja Mao tha se qëndrimi i Kinës mbi çështjen e Ukrainës ka qenë gjithmonë i qartë. Kina angazhohet në mënyrë aktive për përfundimin e luftës dhe zhvillimin e dialogut për paqe.
“Kina nuk ka ofruar kurrë armë vdekjeprurëse për asnjë palë në konflikt. Vendi kontrollon rreptësisht artikujt me përdorime të dyfishta (ushtarake dhe civile). Ukraina është shumë e qartë për këtë. Kina kundërshton me vendosmëri akuzat e pabaza dhe manipulimet politike mbi këtë çështje”, shtoi Mao./cgtn
