Të shtunën pasdite, Presidenti i Kinës Xi Jinping u takua në Tianjian me Kryeministrin e Kamboxhias Hun Manet që ndodhet në Kinë për të marrë pjesë në Samitin e Organizatës së Bashkëpunimit të Shangait (OBSH) 2025.
Xi Jinping theksoi se Kina dhe Kamboxhia duhet të forcojnë bashkimin për të dhënë kontribut për paqen, stabilitetin dhe lulëzimin rajonal. Kina dëshiron të zgjerojë bashkëpunimin ekonomiko-tregtar me Kamboxhian. Dy vendet duhet të forcojnë goditjen kundër krimeve ndërkufitare për të mbrojtur jetën dhe sigurinë e pasurisë së dy popujve.
Nga ana e tij, Hun Manet tha se Kamboxhia falenderon Kinën për ndihmën afatgjatë ndaj këtij vendi. Pavarësisht se si ndryshon situata ndërkombëtare, Kamboxhia i përmbahet gjithmonë politikës miqësore me Kinën dhe parimit të “një Kine”. Kamboxhia dëshiron të forcojë bashkëpunimin me Kinën në fushën e tregtisë, investimeve, infrastrukturës etj. duke goditur së bashku krimet ndërkufitare./cgtn
