Të shtunën në mbrëmje, Presidenti i Kinës Xi Jinping u takua në Tianjin me Kryeministrin e Nepalit Khadga Prasad Sharma Oli që ndodhet në Kinë për të marrë pjesë në Samitin e Organizatës së Bashkëpunimit të Shangait (OBSH) 2025 dhe në veprimtarinë përkujtimore me rastin e 80-vjetorit të fitores së Luftës së Rezistencës së Popullit Kinez kundër Agresionit Japonez dhe të Luftës Botërore Antifashiste.
Xi Jinping u shpreh se Kina dhe Nepali duhet të forcojnë më tej besimin e ndërsjellë strategjik dhe të thellojë bashkëpunimin me përfitime të përbashkëta në fushën e industrisë, bujqësisë, energjisë së re, mbrojtjes së mjedisit, naftës, gazit natyror, inteligjencës artificiale, arsimit, shëndetit etj.
Khadga Prasad Sharma Oli u shpreh se Nepali i përmbahet politikës së “një Kine” dhe kundërshton me vendosmëri “pavarësinë e Tajvanit”. Nepali pret të thellojë bashkëpunimin me Kinën në fushën e ndërtimit të përbashkët të “Një brez, një rrugë”, tregtisë, investimeve, bujqësisë, teknikë-shkencës, turizmit, përballimit të ndryshimeve klimatike etj. Nepali përkrah tre nismat e paraqitura nga Kina, i kushton rëndësi rolit të OBSH-së dhe pret rolin e madh të Kinës në çështjet ndërkombëtare./cgtn
