Të shtunën pasdite, Presidenti i Kinës Xi Jinping u takua në Tianjin me Presidentin në detyrë të Mianmarit Min Aung Hlaing që ndodhet në Kinë për të marrë pjesë në Samitin e Organizatës së Bashkëpunimit të Shangait (OBSH) 2025 dhe në veprimtarinë përkujtimore me rastin e 80-vjetorit të fitores së Luftës së Rezistencës së Popullit Kinez kundër Agresionit Japonez dhe të Luftës Botërore Antifashiste.
Xi Jinping u shpreh se Kina e përkrah Mianmarin në zgjedhjen e rrugës së zhvillimit në përputhje me kushtet e vendit dhe në mbrojtjen e sovranitetit, sigurisë dhe interesave të zhvillimit. Të dy palët duhet të forcojnë bashkëpunimin ekonomiko-tregtar dhe të goditin së bashku krimet ndërkufitare për të mbrojtur qetësinë në zonën kufitare midis Kinës dhe Mianmarit.
Min Aung Hlaing u shpreh se Mianmari do t’i përmbahet politikës së “një Kine” dhe do të zgjerojë bashkëpunimin me Kinën në fushën e tregtisë, investimeve, energjisë, infrastrukturës etj. për t’u sjellë dy popujve më shumë përfitime./cgtn
