Sesioni i 79-të i Asamblesë së Përgjithshme të Kombeve të Bashkuara miratoi të premten një rezolutë mbi forcimin e bashkëpunimit midis Kombeve të Bashkuara dhe Organizatës së Bashkëpunimit të Shangait (OBSh).
Projekt-rezoluta u propozua bashkërisht nga Kina dhe vende të tjera.
Rezoluta njeh rolin konstruktiv të OBsh-së në sigurimin e paqes dhe zhvillimit të qëndrueshëm, promovimin e bashkëpunimit rajonal dhe forcimin e marrëdhënieve të fqinjësisë së mirë dhe besimit të ndërsjellë. Ajo thekson rëndësinë e forcimit të dialogut, bashkëpunimit dhe koordinimit midis sistemit të Kombeve të Bashkuara dhe OBSh-së.
foto nga VCG
Rezoluta propozon që Sekretari i Përgjithshëm i OKB-së të mbajë konsultime të rregullta me Sekretarin e Përgjithshëm të OBSh-së përmes forumeve dhe mekanizmave ekzistuese si ndëragjenci, duke përfshirë dialogët interaktivë të nivelit të lartë midis Sekretarit të Përgjithshëm të OKB-së dhe krerëve të organizatave rajonale dhe të tjera.
Ajo gjithashtu rekomandon që agjencitë, organizatat, programet dhe fondet e specializuara brenda sistemit të OKB-së të bashkëpunojnë me OBSh-në për të zbatuar së bashku programe përkatëse që synojnë arritjen e objektivave të përbashkëta./cgtn
