Në prag të javës kulturore të Arabise Saudite që do të mbahet në Tiranë gjatë datave 16-20 shtator, në Pallatin e Kongreseve, Ambasadori i Kujdestarit të Dy Shenjtërive në Republikën e Shqipërisë, z. Faisal bin Ghazi Hafzi përmes një njoftimi për shtyp e vlerësoi këtë ngjarje si një mundësi të shkëlqyer dialogu, shkëmbimi dhe bashkëpunimi në kuadër të marrëdhënieve dypalëshe.
“Organizimi i Javës Kulturore Saudite në Tiranë pasqyron përkushtimin e Mbretërisë së Arabisë Saudite për të ndërtuar ura komunikimi kulturor e civilizues me vende të ndryshme të botës, si dhe mishëron vendin e rëndësishëm që kultura zë në Vizionin e Mbretërisë 2030,”- thekson Ambasadori Faisal bin Hafzi.
Ambasadori sqaroi se ky aktivitet përbën një mundësi për t’i prezantuar popullit shqiptar një pamje të plotë të kulturës saudite, përmes aktiviteteve të larmishme që do të përfshijnë: ekspozita artistike dhe artizanale, shfaqje muzikore e teatrale, sesione kulturore, shfaqje kinematografike, si edhe prezantimin e kulinarisë tradicionale saudite me gjithë diversitetin dhe origjinalitetin e saj.
Më tej, ambasadori Hafzi theksoi se organizimi i kësaj jave kulturore vjen në kuadër të forcimit të marrëdhënieve të shkëlqyera midis Mbretërisë së Arabisë Saudite dhe Republikës së Shqipërisë, duke zgjeruar fushat e bashkëpunimit mes dy vendeve për të përfshirë edhe dimensionin kulturor dhe atë të dijes, përveç atyre ekzistuese.
Programi i Javes Kulturore te Arabise Saudite përfshin një larmi të pasur fushash:
● Muzikë & Arte skenike që bashkojnë traditën me ritmet bashkëkohore.
● Letërsi & Përkthim me diskutime që sjellin në vëmendje zëra nga të dy vendet.
● Kinematografi me shfaqje filmash që ofrojnë perspektiva të rejai.
● Artizanat & Modë tradicionale, ku mjeshtrit do të ringjallin teknika shekullore.
● Kulinari, që fton vizitorët të shijojnë erëzat dhe aromat e kuzhinës saudite.
● Trashëgimi & Rrëfimtarinë, me tregime të rrënjosura në peizazhet e shkretëtirës dhe qytetet bregdetare.
Për Shqipërinë, kjo përbën një mundësi të rrallë për t’u angazhuar me një kulturë që ka qenë e largët, por që rezonon me traditat e përbashkëta mesdhetare dhe lindore.
/Argumentum.al
