’Pranvera e Prages’ duket është kthyer në një dimer të akullt për popullin e Kosovës. “Unë pelqej Serbine dhe popullin serb… Dhe unë nuk e pelqej Kosovën”, agjencia AP citonte Presidentin e Republikës Çeke Milos Zeman ti thoshte kolegut të tij serb Aleksandër Vuçiç.
“Une nuk e pelqej Kosovën”, kreu i shtetit çek i tha Vuçiçit, i cili ky i fundit u përgjigj: “Ju falendëroj”!
Kjo ngjau të mërkuren në Beograd ku ishte për vizite kreu i shtetit çek i cili deklaroi se do ti kërkonte qeverise se tij të tërhiqte njohjen e Republikes së Kosovës.
Çdo gjë ka ndodhur kur i ashtuquajturi Grupi i Vishegradit (V4) po mbante një takim të nivelit në rang kryeministrash me vendet e Ballkanit Perëndimor. Kosova nuk u përfaqësua, Shqipëria po në nivelin e lartë kryeministror. Por po mendoj se kryeministrit shqiptar Edi Rama do ti jenë dukur akull ambjentet diplomatike ku u zhvillua të enjten takimi i Grupit të Vishegradit në Prage.
Ndër 5 vendet e BE-se që nuk njohin Kosovën jane edhe Sllovakia, dikur Çekosllovakia, Rumania dhe Greqia.
Rastësi në këtë moment ky anti- shqiptarizëm i çekut Zeman i përqëndruar mbi Kosovën? A me të vertetë mund të besohet, siç ka komente nga ndonje burim zyrtar i Prages, se Presidenti çek është njeri i ‘çuditshem’? A ka një afrim të qëndrimit çek me atë të Sllovakisë kundër Kosovës në mbështetje të Serbisë? A e ndihmon kjo fryme paqen e stabilitetin që u trumpetua në takimin e sponsorizuar nga Grupi i Vishegradit, konkretisht Çekia, Sllovakia, Hungaria e Polonia?
E pra nga Praga pati filluar ‘Pranvera’ e demokracise kundër komunizmit e tuteles sovjetike që u rrit si ortek me kalimin e viteve edhe pse u mposht me dhunë në gusht të vitit 1968.
Shqiptarët kudo në trojet e tyre në mënyrat më të dukshme e mbështeten Pranveren e Prages. Dhe e kanë bërë ate se ishte mbështetje për një popull demokrat që aspironte liri, demokraci e vetëvendosje. Aq më shumë se shikonin edhe ata driten e çlirimit nga sundimi diktatorial. Shqipëria e fitoi demokracinë në fillim të 1990, Kosova u clirua më vonë nga genocidi serb duke shpallur pavarësinë në shkurt të 2008.
Për Presidentin Zeman që duhet ti ketë ndjekur mirë këto zhvillime shqiptare si duket nuk i janë dukur ata si Pranvera e Prages.
Pranvera shqiptare e në këtë kuader edhe ajo e Kosovës paskan qene të ‘papëlqyeshme’ për të e qarqe të caktuara politike çekosllovake.
Kur fryn ky acar antishqiptar nga Praga është një ogur i keq; nuk është çështje e një njeriu të ‘cuditshem’, është alarm për shqiptaret se fronti kundër tyre po del edhe më hapur. Falendërimi i Vuçiç për kreun e shtetit çek nuk fsheh planet serbe ndaj Kosovës për t’ia rihequr integritetin territorial, për ta coptuar me tej, me bekimin e disa fuqive në BE ndër të cilet duket publikisht se është edhe Presidenti Zeman i Republikes Çeke. E nga ana tjetër fryma raciste e deklarimit të numrit një çek se “Une nuk e pelqej Kosovën” është alarm për Europen demokratike.
Ekskluzivisht për argumentum.al
© Argumentum.
