Një raport i publikuar së fundmi nga fondacioni Friedrich Ebert për tranizionin energjetik në vendet e Europës jug-lindore dhe të Azisë qendrore nxjerr në pah të dhëna interesante. Ndër vendet e rajonit të marra në analizë, ku përfshihen dy kontinente, Shqipëria rezulton të jetë vendi me më pak subvencione për energjinë, në vetëm 2% të Prodhimit të Brendshëm Bruto.
Për vendet e tjera të rajonit kjo normë ngjitet deri në 61% në rastin e Ukrainës. Subvencionet në energji janë mekanizmat shtetërore që bëjnë që çmimi për konsumatorët final të jetë nën çmimin e tregut. Ndihma shtetërore për të mbajtur çmimet me pakicë poshtë tregut në mënyrë artificiale i drejtohet si familjarëve ashtu edhe biznesit e industrisë.
Në Shqipëri kjo ndihmë rezulton të jetë më e ulta në rajon. Një tjetër e dhënë që del në pah nga raporti i “Friedrich Ebert” tregon se, Shqipëria është vendi me humbjet më të mëdha në rrjet në rajon, në masën 33% të prodhimit. Humbjet vijnë si pasojë e transmetimit dhe shpërndarjes.
–Parku fotovoltaik në Karavasta – Shpallet fituesi i ankandit me ofertë 24.89 euro/MW,
–Kompania Voltalia, me kapital 100% francez është shpallur fituese e ankandit për ndërtimin e parkut fotovoltaik të Karavastasë me një fuqi të instaluar prej 140 MW, teksa çmimi i ofertuar për blerjen e energjisë është 24.89 euro/MW. Ky është çmimi m e të cilin shteti shqiptar garanton blerjen e energjisë elektrike për një periudhë 15-vjeçare për 70 MW, ndërkohë që 70 MW të tjerë do të mund të tregtohen nga kompania në treg të lirë. Gjatë hapjes së ofertave ministrja e Infrastrukturës dhe Energjisë, Belinda Balluku e konsideroi një çmim rekord për parqet energjetike, jo vetëm në rajon, por edhe në botë.
Investimi i kompanisë do të jetë mbi 100 milion euro, ndërkohë që kohëzgjatja e kontratës do të jetë 30-vjeçare.
I pranishëm në ceremoni, kryeministri Edi Rama riktheu në vëmendje edhe hidrocentralin e Skvicës, duke deklaruar se ai do të ndërtohet, ndërkohë që investimi do të jetë 100% nga buxheti i shtetit.
Gara për ndërtimin e impiantit fotovoltaik të Karavastasë u hap në janar të këtij viti, ndërkohë që ajo u shty 2 herë për shkak të situatës së krijuar nga COVID-19. Ndërkaq, ishin 5 kompanitë për të cilat u vlerësuan ofertat, por 4 prej tyre nuk arritën të kalonin fazën e kushteve teknike.
