Qeveria e Rajonit të Posaçëm Administrativ të Hong-Kongut (HKSAR) organizoi të shtunën një forum për të përkujtuar pesëvjetorin e shpalljes dhe zbatimit të Ligjit për Sigurinë Kombëtare në Hong-Kong.
Xia Baolong, drejtues i Zyrës për Punët e Hong-Kongut dhe Makaos pranë Komitetit Qendror të Partisë Komuniste të Kinës dhe i Zyrës për Çështjet e Hong-Kongut dhe Makaos pranë Këshillit të Shtetit, u shpreh që, me hyrjen në fuqi të ligjit më 30 qershor 2020, Hong-Kongu ka kaluar nga kaosi në qëndrueshmëri, duke hapur një epokë të re të parimit “Një vend, dy sisteme”.
Foto nga VCG
Ligji ka luajtur një rol të rëndësishëm në mbrojtjen e sovranitetit, sigurisë e interesave të zhvillimit kombëtar, në ruajtjen e qëndrueshmërisë dhe mirëqenies së Hong-Kongut, si edhe në garantimin e interesave të banorëve të tij dhe të investitorëve të huaj.
Xia vuri në dukje se Hong-Kongu ndodhet në një moment kyç drejt zhvillimit të mëtejshëm dhe bëri thirrje për zbatimin e plotë, të drejtë e të vendosur të parimit “Një vend, dy sisteme”, si edhe për krijimin e një mjedisi të sigurt për të realizuar një zhvillim më të mirë.
Kreu ekzekutiv i HKSAR-it, John Lee, tha në fjalën e tij se, me ndihmën e parimit “Një vend, dy sisteme”, të Ligjit për Sigurinë Kombëtare dhe të Urdhëresës për Ruajtjen e Sigurisë Kombëtar, Hong-Kongu mund të çojë përpara reformën dhe zhvillimin e vet, duke kontribuuar më tej në forcimin e vendit dhe në rilindjen kombëtare.
Foto nga VCG
Rreth dy mijë përfaqësues nga shtresa të ndryshme të shoqërisë hongkongase morën pjesë në këtë forum./cgtn
