“Kina luan një rol të domosdoshëm në qeverisjen ndërkombëtare,” tha Jorge Moreira da Silva, Drejtor Ekzekutiv i Zyrës së Kombeve të Bashkuara për Shërbimet e Projekteve (UNOPS), gjatë një interviste me Grupin Mediatik të Kinës (CMG) pak kohë më parë, duke vlerësuar lart përpjekjet e mëdha të Kinës në qeverisjen globale.
Ai tha se Kina ka luajtur një rol aktiv në aspekte të ndryshme, nga ndryshimet klimatike deri te bashkëpunimi për zhvillim.
“Unë besoj se mbështetja e fortë e Kinës për multilateralizmin është çelësi. Bota e sotme ka nevojë urgjente për të forcuar mekanizmat e koordinimit global dhe për të rigjallëruar sistemin e bashkëpunimit shumëpalësh. Në këtë kontekst, Kina luan një rol vendimtar”, theksoi da Silva.
Sa u përket ndryshimeve klimatike dhe marrëdhënieve midis paqes dhe zhvillimit, da Silva tha se ndryshimi i klimës përkeqëson brishtësinë e vendeve dhe në kushtet pa elasticitet, vendet nuk do të jenë në gjendje të promovojnë në mënyrë efektive zhvillimin. Sa më elastik të jetë një vend ndaj rreziqeve, aq më i fortë është themeli i tij për zhvillim. Prandaj, ekziston një lidhje e fortë midis klimës dhe zhvillimit. Në mënyrë të ngjashme, paqja dhe zhvillimi janë të lidhura ngushtë. Një vend në luftë nuk mund të arrijë dot zhvillimin afatgjatë. Megjithëse këto të tre nuk përbëjnë një lidhje shkakësore serioze, ato shpesh shfaqen në të njëjtën kohë e në të njëjtin rajon dhe efekti i mbivendosjes është i dukshëm.
“Kam besim të plotë se Kina ka aftësinë për të arritur neutralitetin e karbonit deri në vitin 2060.” Da Silva vlerësoi lart largpamësinë strategjike të Presidentit Xi Jinping dhe vendosmërinë e tij të fortë në ndryshimet klimatike dhe zhvillimin e qëndrueshëm. Përparimi i rëndësishëm i Kinës në fushën e ekonomisë së gjelbër, veçanërisht në energjinë e rinovueshme dhe transportin elektrik, ka një rëndësi të madhe jo vetëm për Kinën vetë, por edhe për botën./cgtn
