Presidenti kinez Xi Jinping dhe homologu i tij nepalez Ram Chandra Poudel shkëmbyen të premten mesazhe urimi për 70-vjetorin e vendosjes së marrëdhënieve diplomatike midis dy vendeve.
Xi Jinping-u theksoi që ai i kushton rëndësi të madhe zhvillimit të marrëdhënieve Kinë-Nepal dhe është i gatshëm të punojë me homologun nepalez për ta shfrytëzuar 70-vjetorin e vendosjes së marrëdhënieve diplomatike si një mundësi për të çuar përpara miqësinë tradicionale, për të forcuar shkëmbimet dhe bashkëpunimin në fusha të ndryshme dhe për të promovuar marrëdhëniet dypalëshe në të mirë të të dy popujve, duke kontribuuar edhe për paqen e zhvillimin rajonal.
Ndërsa Poudeli u shpreh nga ana e tij se gjatë 70 viteve të fundit, Nepali dhe Kina i janë përmbajtur gjithmonë besimit të ndërsjellë, barazisë sovrane e bashkëjetesës paqësore dhe miqësia midis dy vendeve i ka rezistuar kohës. Kina është një vend fqinj dhe partner i besueshëm zhvillimi i Nepalit. Pala nepaleze i është mirënjohëse Kinës për përkrahjen afatgjatë që ka dhënë për zhvillimin e Nepalit dhe për respektimin e sovranitetit dhe të pavarësisë së tij. Nepali i përmbahet i palëkundur parimit të “një Kine” dhe është i gatshëm të punojë së bashku me Kinën për të thelluar më tej bashkëpunimin në fusha të ndryshme, për të realizuar vizionin e përbashkët të paqes, përparimit dhe lulëzimit.
Po në të njëjtën ditë, edhe kryeministri kinez Li Qiang shkëmbeu mesazhe urimi me homologun nepalez Khadga Prasad Sharma Oli./cgtn
