Kreu i diplomacisë së BE’së, Josep Borrell, ka shprehur keqardhje të thellë për vendimin e fundit të Iranit që të tërhiqet nga marrëveshja bërthamore e vitit 2015 e lidhur mes shteteve më të forta europiane, SHBA’së dhe Iranit.
Marrëveshja kishte për qëllim heqjen e sanksioneve ekonomike ndaj Iranit në këmbim që iranianët të ndalnin pasurimin e uranium.
Presidenti i SHBA’së, Donald Trump u tërhoq vitin e kaluar nga kjo marrëveshje pasi që pretendonte se Irani nuk po i përmbahej asaj.
“Zbatimi i plotë i marrëveshjes për programin bërthamor nga të gjithë, tani është më i rëndësishëm se kurrë, për stabilitetin rajonal dhe sigurinë botërore”, shkruan Borrell në Tëitter.
Ai theksoi gjithashtu se do të punojë me të gjithë pjesëmarrësit për rrugën që do të ndjekin.
Përfaqësuesi i lartë evropian nënënvizoi se Bashkimi Evropian do të mbështetet në punën e Agjencisë Ndërkombëtare për Energjinë Atomike (AIEA) për vlerësimin e pasojave.
“Ne duhet t’i besojmë asaj dhe të shohim atë që thotë Agjencia Ndërkombëtare për Energjinë Atomike për sa i përket fakteve mbi terren”, theksoi Peter Stano, zëdhënësi i tij, në një konferencë shtypi.
Dje, Josep Borrell i bëri një ftesë ministrit iranian të Punëve të Jashtme, Mohammad Javad Zarif për të ardhur në Bruksel, duke i kërkuar edhe një herë shtensionimin e situatës në Lindjen e Mesme.
