Të premten, presidenti kinez Xi Jinping i dërgoi një mesazh urimi homologut të vet jugkorean Lee Jae-myung për 77- vjetorin e krijimit të qeverisë së parë të Koresë së Jugut.
Xi vuri në dukje që Kina dhe Koreja e Jugut janë vende fqinje dhe partnere të rëndësishme bashkëpunimi. Gjatë 33 vjetëve pas vendosjes së marrëdhënieve diplomatike, të dy palët kanë bërë përpjekje të përbashkëta për zhvillimin e qëndrueshëm e të shëndetshëm të marrëdhënieve kino-jugkoreane, duke arritur rezultate të dukshme në shkëmbimet dhe bashkëpunimin në fusha të ndryshme. Xi u shpreh i gatshëm që, së bashku me presidentin jugkorean, të drejtojë ngritjen e marrëdhënieve të partneritetit të bashkëpunimit strategjik në një nivel më të lartë, duke sjellë më shumë përfitime për popujt e të dy vendeve.
Më tej presidenti kinez theksoi: “Sivjet është 80-vjetori i fitores së Luftës Antifashiste Botëroe dhe 80-vjetori i Çlirimit të Gadishullit Korean, që ia vlen ta përkujtojmë së bashku. Në të ardhmen, Kina dhe Koreja e Jugut duhet të bëjnë përpjekje të përbashkëta për të dhënë kontribute më të mëdha për paqen dhe zhvillimin e rajonit.”/cgtn
