Kryeministri Edi Rama gjatë një vizite në fshatin Kuç të Vlorë, parashikoi sot 78-88 mandate për Partinë Socialiste në zgjedhjet e 11 majit.
Aty ky 4 vite më parë po në Kuç parashikoi rezultatin e zgjedhjeve të 25 prillit 2021, Rama bisedoi me banorët mbi ndarjen e mandateve të deputetëve në këto zgjedhje parlamentare, të cilin e ka konsideruar si Memorandumi i II i Kuvendit.
Rama tha se “74 nuk lëviz, plus 1 në Dibër, 1 në Shkodër, 1 në Fier, 1 në Elbasan, ky është minimumi, 78. Nën 78 nuk bie PS”, tha Rama.
“78 është minimumi, çfarë do marrim plus 78. Është një në Kukës, 1 në Shkodër, 1 në Dibër, 1 në Lezhë, 1 në Durrës, 2 në Tiranë, edhe një tjetër në Elbasan, në Korçë nuk lëvizim rrimë tek 6, kemi edhe një në Fier dhe një në Vlorë. Këto janë të mundshme 50%. Pra 88 mandate. Në këndvështrimin tim do të jetë diku midis 78 dhe 88”, theksoi Rama.
Më tej Rama tha se “ishte kënaqësi të vije nga kjo rrugë në atë luginën, bukuri e madhe. Më vjen shumë mirë që fjalën e dhashë, qendra po bëhet. Ishte bërë edhe një bujtinë, tani duhet punuar për ca bujtina më shumë”.
Kreu i qeverisë i dhuroi në mënyrë simbolike pronarit të lokalit ku firmosi memorandumet, atë të 2021 dhe atë të zgjedhjeve të 11 majit, një pasaportë europiane.
/Argumentum.al
