Administrata Tatimore njoftoi për fillimin e implementimit të deklaratës së re DIVA 2025, në zbatim të ligjit të Tatimit mbi të Ardhurat.
Tatimet bëjnë të ditur se, “kjo deklaratë sjell si risi zbritjet prej 48.000 lekë nga baza e tatueshme si kompensim për çdo fëmijë nën 18 vjeç dhe shpenzimet arsimore”.
Shuma e vlerësuar për rimbursim do të jetë rreth 20 milionë euro, shumë e cila do t’u rimbursohet prindërve që do të plotësojnë DIVA 2025.
Deklarata do të dorëzohet në fillim të vitit 2026 për të ardhurat e realizuara në vitin 2025.
