Presidenti venezuelian Nicolas Maduro tha se një takim i nivelit të lartë ndërqeveritar Venezuela-Rusi do të mbahet këtë prill, duke shtuar se palët planifikojnë të nënshkruajnë rreth 20 marrëveshje në sferat e ekonomisë, energjisë, tregtisë dhe arsimit.
“Një sesion pune i nivelit të lartë mbi bashkëpunimin ndërqeveritar midis Rusisë dhe Venezuelës do të mbahet në prill dhe do të nënshkruajmë më shumë se 20 dokumente mbi bashkëpunimin në fushën e ekonomisë, tregtisë, energjisë dhe arsimit”, tha Maduro në një intervistë të transmetuar nga Channel One në Rusi të martën.
Maduro shtoi se Caracas pret një tjetër shpërndarje të ndihmës humanitare nga Moska. Më 22 shkurt, Caracas mori rreth 7.5 ton ngarkesë humanitare nga Rusia, duke përfshirë ilaçe, pajisje mjekësore dhe materiale konsumuese, nën programet e Organizatës Botërore të Shëndetësisë (WHO) dhe Organizatës Panamerikane të Shëndetit.
Më parë në mars, Venezuela ka pësuar ndërprerjen më të keqe të energjisë në histori, kur më shumë se 20 shtete kanë mbetur pa energji elektrike. Furnizuesi kombëtar i Venezuelës me energji elektrike, Corpoelec, tha se incidenti ishte shkaktuar nga një akt “sabotimi” në hidrocentralin Guri, i cili gjeneron energji elektrike për gati të gjithë vendin. Caracas ka akuzuar Uashingtonin për të qenë pas sulmit të dyshuar në centralin elektrik. Shtetet e Bashkuara, nga ana e tyre, hodhën poshtë akuzat.
Javën e kaluar, Presidenti i SHBA Donald Trump tha se do të diskutojë mundësinë e një ndërhyrjeje ushtarake në Venezuelë me presidentin brazilian Jair Bolsonaro gjatë vizitës së tij në Shtetet e Bashkuara, duke shtuar se të gjitha opsionet mbeten në tryezë. Megjithatë, Sekretari i Mbrojtjes i SHBA-ve Patrick Shanahan tha në një seancë të kongresit të martën se Uashingtoni nuk synon të zgjidhë krizën venezueliane në mënyrë ushtarake.
Venezuela eshte ne një krizë te rëndë politike që nga janari, kur udhëheqësi i opozitës së vendit, Juan Guaido, shpalli në mënyrë të paligjshme presidentin e përkohshëm, duke kundërshtuar rizgjedhjen e Maduro vitin e kaluar.
Presidenti i përkohshëm i vetëshpallur mori menjëherë mbështetjen nga ana e Shteteve të Bashkuara, i cili gjithashtu ka denoncuar rizgjedhjen e Maduro-s, së bashku me disa vende të tjera. Kina, Kuba, Rusia dhe një numër vendesh të tjera kanë miratuar Maduro të zgjedhur me kushtetutë si presidenti i vetëm legjitim i Venezuelës.
