Të mërkurën, presidenti kinez Xi Jinping i dërgoi një letër urimi Panairit Ndërkombëtar për Tregtinë në Shërbime të Kinës 2025.
Xi u shpreh se aktualisht struktura ekonomike botërore po ndryshon thellësisht dhe sfidat e mundësitë e zhvillimit global bashkëjetojnë. Kina do t’i përmbahet hapjes cilësore me botën e jashtme, do të përputhet aktivisht me rregullat ekonomiko-tregtare ndërkombëtare, do të përshpejtojë funksionimin pilot të zonave të tregtisë së lirë dhe të zonave demonstruese të zhvillimit me risi të tregtisë së shërbimeve dhe do të promovojë hapjen e tregut të shërbimeve, duke nxitur zhvillimin cilësor të tregtisë së shërbimeve.
“Kina është e gatshme të punojë me palët e ndryshme për të promovuar hapjen dhe bashkëpunimin në fushën e tregtisë së shërbimeve globale, duke formuar një ekonomi të hapur botërore e duke nxitur krijimin e bashkësisë me të ardhme të përbashkët të njerëzimit,” theksoi presidenti Xi Jinping.
Panairi Ndërkombëtar për Tregtinë në Shërbime i Kinës për vitin 2025 u hap të mërkurën në Pekin. Tema e panairit është “Udhëheqje me inteligjencë digjitale, rigjallërim i tregtisë së shërbimeve”./cgtn
