“Bashkimi Evropian sot në të vërtetë nuk është në gjendje të përballojë detyrën e tij kryesore – të sigurojë funksionimin e një tregu të vetëm”.
Përgatiti: Marjana Doda
Italia po përjeton një situatë apokaliptike, duke u bërë kështu vendi më me shumë viktima në botë nga koronavirusi. Aktualisht në të dhënat e fundit, Italia ka shifra dramatike me 10 023 viktima të koronavirusit, 92 472 të infektuar në total. Përballë këtij gjunjëzimi të Italisë disa shtete janë solidarizuar me popullin italian, duke filluar nga Kina duke konsideruar eksperincen e saj në fitoren ndaj koronavirusit covid-19.
Më pas Rusia, Kuba por dhe Shqipëria kanë ofruar ndihmen e tyre të menjëhershme, kryesisht me mjete mjekësore dhe staf mjekësor.
Kina bashkë me mjetet sanitare, dërgoi edhe një task forcë me reanimatorë, pediatër, infermierë dhe figura që kanë menaxhuar emergjencën e koronavirusit në Kinë dhe udhëhiqet nga zëvendëspresidenti i kryqit të kuq kinez, Jang Huichuan dhe profesori i reanimacionit Liang Zongan. Gjithashtu makineri me ventilatorë, materiale respiratore, elektrokardiografë, dhjetëra e mijëra maska dhe të tjera mjete sanitare.
Kuba ka një traditë të dërgimit të mjekëve në mbarë botën në rast të fatkeqësive që nga revolucioni i vitit 1959. Zakonisht, mjekët kubanë shkojnë në vendet më të varfra. Ata ishin në vijën e frontit gjatë luftës kundër kolerës në Haiti dhe virusit Ebola në Afrikën Perëndimore dekadën e kaluar. Por, kjo është hera e parë që Kuba dërgon mjekë në njërin prej vendeve më të pasura të botës, në Itali, do të shkruante shkruan “Reuters”.
Italia ka marrë ndihmë edhe nga Rusia. Presidenti Putin ka urdhëruar që në Itali të dërgohen pajisje dhe medikamente mjekësore. Rusia dërgoi specialistët e saj ushtarakë për të ndihmuar Italinë në luftimin e COVID-19 në fillim të kësaj jave. Ndihma përfshin gjithashtu pajisje për diagnostikim dhe dezinfektim.
Së fundmi edhe vendi ynë tregoi hapur solidaritetin ndaj Italisë mike, duke dërguar 30 mjekët dhe infermierët shqiptarë, të cilët kanë mbërritur në Itali, mbërmjen e së shtunes(28.03). 30 mjekë dhe infermierë do të japin kontributin e tyre për trajtimin e pacientëve në luftën kundër COVID-19.
Megjithë vullnetin e mire dhe gatishmrisë së këtyre vendeve për tu gjendur pranë Italisë, sytë janë nga Bashkimi Europian, drejt kësaj familje ku Italia aderon.
Por sot gjendet vetem dhe e zhgënjyer nga familja e saj . Zhgënjim që rrezikon të sjelli përçarje dhe krisje të madhe.
“Çmenduri. Europës iu dashkan edhe 15 ditë të tjera për të vendosur çfarë do bëjë, se kë dhe si do ta ndihmojë. Në kulmin e emergjencës, me njerëz që vdesin, sot nga pneumonia, nesër ndoshta nga varfëria”.
Kështu do të shprehej kreu i LEGA-s italiane, Matteo Salvini në rrjetet sociale. “Po çfarë “unioni”!!! Kjo është një strofull me gjarpërinj dhe çakej. Si fillim do të mundim koronavirusin dhe më pas do të dalim nga Europa. Dhe nëse do të duhet, do t’u themi lamtumirë, pa i falënderuar” – thotë Salvini.
“Dua t’u dedikoj një mesazh shpifësire dhe turpi Europës që kërkon edhe 15 ditë për të na ardhur në ndihmë. Është e qartë se në Berlin apo në Bruksel nuk e kanë kuptuar që njerëzit po vdesin ndaj kanë vendosur të mendohen për 2 javë. Nëse kjo është BE, është një m*t. Ikni mbushuni…” – e mbyll ai.
Sulmi vjen një menjëherë pas ngërçit të krijuar në Bruksel për lëvrimin e fondeve për të përballuar koronavirusin.
Ky koment shpreh mjaft zemërim me Europën , zemërim që nuk e ka vetem ish-ministri i brendshëm, por edhe vetë kreret e shtetit Italian.
Presidenti italian Sergio Mattarella i është drejtuar sot kombit në një fjalim duke i kërkuar Bashkimit Europian të ndërhyjë në Itali përpara se të jetë shumë vonë. “Ne po jetojmë një faqe të trishtuar në historinë tone”
“Mbështetja konkrete ka ardhur nga disa prej vendeve të BE-së. Në Bashkimin Europian, Banka Qendrore dhe Komisioni, ditët e fundit, kanë marrë vendime të rëndësishme të mbështetur nga Parlamenti Europian. Por duhet bërë më shumë. Shpresoj që të gjithë ta kuptojnë plotësisht, para se të jetë vonë, seriozitetin e kërcënimit , jo vetëm për Italinë por edhe për Europën.”
Nga njëra anë Presidenti u tha italianëve të tregojnë guxim dhe nga ana tjetër i kujtoi Bashkimit Europian detyrat e tij.“Askush nuk do të shpëtojë nga kjo pandemi i vetëm”, paralajmëroi ai.
Ndërsa Kryeministri italian Giuseppe Conte i kërkoi Bashkimit Europian “të mos bëjë gabime strategjike” gjatë menaxhimit të krizës së koronavirusit, ndërsa paralajmëron se nëse kjo ndodh, “atëherë i gjithë projekti europian do të humbë arsyen e ekzistencës”. Gjatë një interviste me gazetën “Il Sole 24 Ore” kryeministri italian Giuseppe Conte paralajmëroi se keqmanaxhimi i krizës së koronavirusit rrezikon mbarë projektin europian.
“Ne duam të jemi në lartësinë e detyrës. Ndaj le të ndërmarrim Planin Europian të Rimëkëmbjes dhe Rishpërndarjes së të Ardhurave.”
“Ne po jetojmë një krizë që ka sjellë shumë viktima mes qytetarëve tanë dhe po nxit recensionin e madh ekonomik,” shtoi Conte.
“Jo vetëm në Itali, por edhe në vende të tjera, na duhet të marrim vendime të vështira, shpesh herë tragjike,” tha udhëheqësi italian. Ai lëshoi paralajmërime të forta ndaj udhëheqësve europianë të cilëve u la dhjetë ditë për të propozuar një tjetër plan ekonomik, ndërsa paralajmëroi se BE-ja rrezikon arsyen e të ekzistuarit në sytë e qytetarëve të saj.
Në fakt një paralajmërim për rrezikun që i kanoset Bashkimit Europian e ka bërë dhe presidenti i Frances. Duke folur për udhëheqësit e shteteve të 26 të Bashkimit Evropian, presidenti francez Emmanuel Macron, gjatë një video-konference për pandemisë vazhdueshme coronavirus, paralajmëroi se projektet themelore të bllokut, duke përfshirë edhe zonën jo-kufitare, do të mund të rrezikohen nëse kombet dështojnë të tregojnë solidaritetin gjatë krizës, sipas Reuters.
“Ajo që është në rrezik është mbijetesa e projektit evropian“, tha Macron udhëheqësve në konferencë, duke cituar një diplomat francez. “Rreziku me të cilin po përballemi është vdekja e Shengenit“.
“Bashkimi Evropian sot në të vërtetë nuk është në gjendje të përballojë detyrën e tij kryesore – të sigurojë funksionimin e një tregu të vetëm. Detyra kryesore e BE-së është të sigurojë hapësirë të bashkuar ekonomike, lëvizje të lirë të punës, mallrave, shërbimeve dhe kapitalit. probleme të dukshme sot me të paktën tre prej këtyre përbërësve, “tha të martën Presidenti Estonez Kersti Kaljulaid.
Përplasjet, pakënaqësitë, kritikat janë unison drejt Bashkimit Europian , e cila me gjase do ti largohet një tjetër anëtarë i rëndësishëm .
Italexit mund të jete “virusi” i radhes që do “infektoje “ vetë familjen europiane. Por që kjo të mos ndodhë , BE është ende në kohë që të mbështese anëtaret e saj në këtë luftë të pazakonte . Sot më shumë se kurrë BE-ja nuk duhet të largohet nga Italia duke e lenë në “mëshiren”e Covid-19. Sot nuk është koha të mendojme për përfitime a humbje ekonomike, sot prioritet është vetem jeta e cila duhet mbrojtur me çdo cmim.
Sot Italia po përballet saktësisht me llojin e urgjencës të cilën “Familja Europiane ” duhet të tregojë se mund të japë./argumentum.al/
© Argumentum.
