Në orën 20:00 të së mërkurës, në kanalin kryesor të Televizionit Qendror të Kinës (CCTV) filloi transmetimi i dokumentarit me katër pjesë “Fuqia e kulturës – Gjurmët dhe praktikat e Mendimit Kulturor të Xi Jinping-ut në Zhejiang”. Dokumentari është prodhuar në bashkëpunim nga Departamenti i Promovimit i Komitetit të Partisë së Provincës Zhejiang, Grupi i Radios dhe i Televizionit i Zhejiang-ut dhe Grupi Mediatik i Kinës.
Gjatë kohës që presidenti Xi Jinping punonte në Zhejiang, ai hartoi dhe zbatoi tetë projekte kyçe për përparimin kulturor, duke udhëhequr arritjet historike në zhvillimin kulturor të provincës dhe duke kontribuuar në formësimin teorik e praktik të mendimit të saj kulturor.
Katër pjesët e dokumentarit mbajnë titujt “Kultura që formon shpirtin”, “Kultura që mbart vlera”, “Kultura që nxit zhvillimin” dhe “Kultura që ndriçon popullin”, duke shpalosur vizionin e thellë, perspektivën e gjerë dhe përkushtimin kulturor të presidentit Xi.
Sonte do të jepet pjesa e parë, “Kultura që formon shpirtin”. Dokumentari do të transmetohet gjithashtu në mediat sociale./cgtn
