Ish kryeministri Ramush Haradinaj deklaron se Kosova duhet të synojë një marrëveshje gjithëpërfshirëse obligative me Serbinë gjatë administratës së Trump.
Në një intervistë ekskluzive për TV Ora News, Haradinaj nënvizon se po bëhet shumë për të frikësuar Kosovën se ajo nuk duhet të synojë një marrëveshje gjatë kohës së administratës Trump.
“Kjo është logjikë e gabuar. Është rrezik të lejohet vazhdimi i marrjes me çështjen e dialogut Kosovë-Serbi, zotin Borell i cili ka tolerancë të tillë.” nënvizoi Haradinaj. Gjatë intervistës Haradinaj tregon ku gaboi Kurti me masat kufizuese gjatë kohës së pandemisë dhe pse bashkëpunoi me LDK-ne për rrëzimin e Kurtit. Shton se qeveria e ardhshme do ta ketë të pamundur të kthejë taksën 100% ndaj Serbisë, kjo ishte arsyeja pse refuzoi ta pezullonte.
Në intervisten dhënë gazetarit Leftion Peristeri Haradinaj shprehu dhe kritika ndaj kryeministrit Edi Rama për mbylljen e kufije duke thënë se përhapi panik.
Ora News: Si po e kaloni këtë kohë të vështirë qëndrimi të izoluar?
Ramush Haradinaj: “Tani po shpresojmë që të nisë të kthehemi normalitetit në Kosovë, pasi pandemia shkaktoi shumë pasoja në përgjithësi në jetën tonë. Me rëndësi është rikthimi i ekonomisë tani.
Ora News: Në këndvështrimin tuaj si u menaxhua nga qeveria Kurti kjo emergjencë
Ramush Haradinaj: Mund të konstatojmë që Kosova në tërësi për fatin e mirë nuk ka pasoja të mëdha sa i takon jetës së njerëzve e shëndetit. Pasojat më të mëdha i kemi në ekonomi. Mendojmë se disa prej masave ka qenë të gabuara. Disa prej ndalimeve kanë qenë të gabuara. Kosova ka popullsi të re, jemi vend rural dhe ka ekzistuar mundësia që të lejonim veprimtaritë në bujqësisë dhe në ndërtim. Pasojat më të mëdha I kemi në ekonomi.
Ora News: Në kohën kur ju ishit kryeministri pasi u bënë mbledhjet tradicionale mes dy qeverive komunikimi nuk ka qenë I mirë pse ndodhi?
Ramush Haradinaj: Jam habitur me mbylljen e kufirit Kosovë- Shqipëri, ndoshta nuk kishte pse të mbyllej plotësisht. Po flas për njerëzit se qarkullimi I mallrave është lejuar. Shoferë nga skaje të botës kanë ardhur në Kosovë e nga Kosova në Shqipëri. Është tepruar me këtë ndalesë. Ka dhe ndalesa të tjera të palogjikshme, por duhet të mësojmë nga kjo përvojë për të ardhmen.
Mungesa e komunikimit Kosovë – Shqipëri dhe mbyllja e kufirit mendoj se është panik. Masat e ndërmarra kanë qenë masa paniku nga ana e qeverive tona. Ne duhet të komunikonim jo vetëm në aspektin shëndetësor, por edhe në atë arsimor apo sfera të tjera të jetës. Unë kam pasur komunikim me presidentin Meta, kam përcjellë gjendjen. Është gabim një lloj mungese komunikimi për këtë.
Ne kemi pasur një konflikt me kryeministrin Rama sa i takon një teme të vetme, që ka qenë mënyra e vetme e arritjes së një marrëveshje për njohjen reciproke me Serbinë. Unë kam qenë dhe mbetem i vendosur që në asnjë marrëveshje për njohjen reciproke të mos diskutohet ceshtja e territorit e kufijve te Kosovës në cfarëdoforme.
Sa i takon temave te tjera nuk duhet të ndikohemi dhe ne rastin e një situate të tillë, marrëdhëniet Kosovë- Shqipëri të zhvillohen në të gjitha nivelet e tjera. Ne nuk guxojmë të mbetemi peng i një situate që mund të krijohet.
Une kam bërë kujdes të ruaj këto marrëdhënie dhe këtë ndjenjë të mirë dhe me kompensu faktin që me kryeministrin Rama kemi pasur thyerjen që dihet, por jam përpjekur të kompensoj. Unë shpreh respektin vëllazëror për të gjithë komunitetin shqiptar.
Ora News: Ju pranuat të bashkëpunonit me një parti që u shpreh kundër vendimit tuaj sa i takon cështjes së tarifës ndaj mallrave serbe. Pse vendosët të mbështesnit mocionin e LDK-së për rrëzimin e qeverisë Kurti
Ramush Haradinaj: Vendosja e taksës 100% ka qenë e qeverisë dhe ne kemi qenë në koalicion por kryetar qeverie kam qenë unë. Për fat të keq qeveria Kurti dhe me LDK e hoqi taksën kur vetëm gjatë muajit prill edhe pse në kohë pandemie hynë dhjetra milionë mallra serbe. Duke qenë se qeveria Kurti hoqi taksën pa I siguruar nderë Kosovës, kundërshtimi im për taksën nuk ekzsiton më.
Çështja e taksës dhe pozicioni i partive rreth taksës i takon historisë sonë, por nuk është aktuale.
Ora News: Nuk është aktuale dhe kur partia jua të vijë në koalicion bashkë me LDK-në dhe një marrëveshje me Serbinë të vijë në tryezë?
Ramush Haradinaj: Është e vështirë të rikthesh taksën prandaj unë asnjëherë nuk e kam pezulluar. Ju kujtohet që unë kam marrë kritika. Por ky vendim ka qenë aq i vështirë dhe me rreziqet e veta, sa nëse do të pezullohej për pak ditë do të ishte e pamundur të rifuqizohej. Për këtë arsye nuk e kam hequr kurrë edhe me pasojat e mëdha, sepse e kam ditur se nëse e heq qoftë për një orë nuk kthehet më. Është e pamundur të kthehet një qeveri e ardhshme taksën 100% ndaj Serbisë. Këto vendime merren shumë vështirë, janë shumë të zëshme, dhe ata që e dinë qoftë dhe pasojat.
Pse u desht marreveshja me LDK-ne
Ora News: Çështja e qeverisë dhe e kryeministrit të mandatuar zotit Hoti është në gjykatën Kushtetuese, pse u desht një marrëveshje me LDK-në
Ramush Haradinaj: Ne kemi mbetur pa qeveri në kohën e pandemisë. Edhe sikur AAK të mos merrte pjesë në votim dhe të mos shkonte fare në seancë, kundër qeverisë Kurti dhe pa votat tona kishte mbi 70 vota. Ndërsa kjo qeveri kur është votuar dhe ka marrtë mandatin kishten 64 vota. Duke parë që kemi vendin pa qeveri në kohë krize, për aleancën nuk mbetën shumë zgjidhje. Duhej të jepnim Kosovës një qeveri me mandat. Kemi dhe zhvillimet rajonale dhe pespektivën euroatlantike. Aleanca nuk kishte zgjidhje. Aleanca mund të linte Kosovën të thellohej në krizë institucionale më të thellë ose të merrte përgjegjësitë. Ne vlerësuam se duhej përkrahur krijimi I qeverisë së re në parlament që të përballej me gjendjen e tashme por dhe të përgatiste vendin për zgjedhje të lira.
Ora News: Si e shikoni propozimin e Vetevendosjes për zgjedhje të lira më 14 qershor?
Ramush Haradinaj: Vetëvendosja ndërron qëndrim në varësi të pozicionit të vet. Shkuarja në zgjedhje do të ishte një situatë e re Kushtetuese. Për fat të mirë Kosova e ka këtë mundësi kushtetuese të mos detyrohet të shkojë në zgjedhje nëse i pari e humb shumicën apo nuk e bën shumicën në parlament.
Ora News: Nese formohet qeveria e re nje prej ceshtjeve ne tryeze do te ishte ajo e marreveshjes gjithepefshirese me Serbine, por asnjë palë nuk flet si mund të ishte.
Ramush Haradinaj: Po marrëveshja do të jetë gjithëpërfshirëse por nuk diskuton territorin dhe kufijtë e Kosovës. Po bëhet shumë për të frikësuar Kosovën se ajo nuk duhet të synojë një marrëveshje gjatë kohës së administratës Trump. Kjo është logjikë e gabuar. Ne duhet të synojmë një marrëveshje pasi administrata e Trump është e atij vendi që ndërhyri në 1999.
Edhe logjika që të kemi një zgjidhje më të mirë me një rol të BE-në, nuk po qëndron. BE emëroi dy zyrtarë që merren me cështjen e dialogut Kosovë- Serbi, Borell e Lajcak që vijnë nga dy shtete jo njohëse. Nga përvoja mbi 20 vjecare e bashkëpunimit me Amerikën nuk frikësohem nga mundësia e një marëveshje Kosovë- Serbi. Është me interest ë arrijmë se do I hapte prespektivën Kosovës drejt NATO-s. Me këtë shqiptarët do të ishin më të sigurtë në Ballkan. Nuk i frikësohem dhe synojmë një marrëveshje gjithëpërfshirëse obligative port ë mos harrojmë për njohje reciproke. Se Serbia nuk mund të avancojë drejt BE-së pa njohjen nga Kosova.
Duhet të synojmë marrëveshje me Serbinë gjatë administrates Trump
Ora News: Nese formohet qeveria e re nje prej ceshtjeve ne tryeze do te ishte ajo e marreveshjes gjithepefshirese me Serbine, por asnjë palë nuk flet si mund të ishte.
Ramush Haradinaj: Po marrëveshja do të jetë gjithëpërfshirëse por nuk diskuton territorin dhe kufijtë e Kosovës. Po bëhet shumë për të frikësuar Kosovën se ajo nuk duhet të synojë një marrëveshje gjatë kohës së administratës Trump. Kjo është logjikë e gabuar. Ne duhet të synojmë një marrëveshje pasi administrata e Trump është e atij vendi që ndërhyri në 1999. Ne duhet të frikësohemi nëse synohet një marëveshje nën adminsitratën e zotit Putin apo dikujt tjetër
Edhe logjika që të kemi një zgjidhje më të mirë me një rol të BE-në, nuk po qëndron. BE emëroi dy zyrtarë që merren me cështjen e dialogut Kosovë- Serbi, Borell e Lajcak që vijnë nga dy shtete jo njohëse. Nga përvoja mbi 20 vjecare e bashkëpunimit me Amerikën nuk frikësohem nga mundësia e një marëveshje Kosovë- Serbi. Është me interest ë arrijmë se do I hapte prespektivën Kosovës drejt NATO-s. Me këtë shqiptarët do të ishin më të sigurtë në Ballkan. Nuk i frikësohem dhe synojmë një marrëveshje gjithëpërfshirëse obligative por të mos harrojmë për njohje reciproke. Se Serbia nuk mund të avancojë drejt BE-së pa njohjen nga Kosova.
Evropianet hapin vete mundësinë e diskutimit te territorit
Ora News- Si e shikoni qëndrimin e përfaqësuesit të lartë të BE-së, zotit Borell që thotë se nëse palët bien dakord kufijtë mund të ndryshohen
Ramush Haradinaj: Është dëshirë për të penguar një marrëveshje nga disa qarqe evropiane. Dikur evropianët mundoheshin ti atribuonin kritikën për diskutim të territorit të Kosovës amerikanëve. Tani shihet se evropianët se nga frika që amerikanët mund ta përshpejtojë arritjen e një marrëveshje ata vetë e hapin mundësinë e diskutimit të territorit, në mënyrë që të krijojë rezistencë ndaj arritjes së nja marrëveshje. Evropa në të kaluarën e bëri një gabim të madh. I la zonjës Mogerini duar të lira të flasë në emër të BE.
Është e habitshme sot Berlini zyrtar si e lejon zotin Borell. Merkel ishte kundër lëvizjes së kufjeve dhe e ne çojmë këtë, tani habitem si e lejon Merkel njeriu që flet në emër të BE të lerë të hapur mundësinë e shkëmbimit të territoreve. Kjo flet për pafuqinë e BE për ta trajtuar këtë temë me sukses. Berlini zyrtar i nxitua të deklaronte se Borell dhe Lajçak janë Gjermania dhe ne i përkrahim. Për mua është e palogjikshme. Si mundet Berlini zyrtar të jetë në një vijë me Borell i cili le të hapur çështjen e kufijve të territoreve. Duhet që kancelarja Merkel dhe Presidenti Makron të veprojnë me Borell njësoj sic kanë vepruar me Mogherinin për tia marrë temën e dialogut.
Është rrezik të lejohet vazhdimi i marrjes me çështjen e dialogut Kosovë-Serbi, zotin Borell i cili ka tolerancë të tillë.. Toleranca e diskutimit të çështjes së territoreve të kufijve në Ballkan ka sjellë luftëra. BE e di, Berlin e Parisi e dine. Të gjithë e dinë kur diskutohen kufijtë në Ballkan, janë ndarë me luftë. Habitem si nuk e kritikojnë, e distancohen nje qasje te tille. Por nëse nuk reagojne eshte deshire per te krijuar pengesa administrates amerikane deri tek arritja e një marrëveshjeje.
Ora News: A keni frikë se bëhet fjalë për një marrëveshje të fshehtë ku është përfshirë zoti Thaçi së bashku me homologun e tij serb, Vuçiç?
Ramush Haradinaj: Aty ku është Washingtoni Kosova nuk ka pse të ketë frikë. Nuk mundet presidentët Thaci apo Vucic, apo të tjerë, prë të drejtuar në drejtim të gabuar Washingtonin zyrtar. Ata nuk e njohin Kosovën përmes meje, apo zotit Thaci por kanë mbi 30 vjet që interesohen drejtëpërdrejtë dhe e kanë rajon gjeostrategjik. Unë nuk frikësohem që Washingtonin zyrtar mund ta mashtrojë dikush, e ta drejtojë lëvizjen e gabuar, të lëvizjeve të territoreve. Nuk e mohoj dëshirën e ndonjë në rajon në të kaluarën. U kam thënë se e keni gabim se nuk do të ketë lëvizje të kufijve të Kosovës apo ndërrim të territoreve. Ushtari amerikan nuk shtyhet një hap mbrapa aty ku e ka fituar me luftë. Është e habitshme si një ushtar që vjennga Amerika të ruajë kufirin e Kosovës të kthehet një hap prapa për të lënë një ushtar serb që është ushtar rus për të avancuar. Këto janë frika artificial që nuk duhet të na ndalin.
Ne duhet të jemi vigjilentë. Nuk duhet të lejojmë askënd që të cojë në Washington propozime të gabuara në emër të Kosovës, por mos harroni Washingtoni nuk është aq I padijshëm sa ta mashtrojë Thaci e Vucic dhe të nxisë Washingtonin në lëvizjen e territoreve.
Ora News: A besoni se zoti Thaçi ka marrëveshje të fshehtë me Vuçiçc dhe kanë mbështetjen e disa qarqeve qoftë nëWashginton apo Bruksel per ta shitur si marrwveshje mes palwve.
Ramush Haradinaj: ”Ajo që besoj unë është Amerika, është Uashgintoni. Janë inicionet e sigurisë së Amerikës, që mbajnë përgjegjësi për sigurinë e Evropës, Ballkanit, besoj edhe botës. Ata njerëz nuk lejojnë as Thacin as Vuçiçin as dikë tjetër, as Ramën të lëvizë me kufi në bazë të dëshirës së tyre. Këto kufij i kanë fituar ata së bashku me popullin e Kosovës, e UCK-së. Këto janë kufij lufte dhe nuk mund t’i ndërrojnë udhëheqësit ditorë, mujorë apo javor, e vjetorë. Nuk i ndërrojnë. Kosova është kufi gjeostrategik. Me Kosovën ndahet Rusi me Amerikën. Në Serbi, Rusia ka të akredituar 3 mijë humanitarë, në Kosovë janë të akredituar qindra amerikanë. Është kufi ndarës strategjik. Edhe Vuçiç, edhe Hashimi edhe Edi, kanë gabuar kur menduan se është aventurë që u lejohet lëvizja e kufijve dhe e territoreve. Nuk bëhet. Nga komunikimet që kam edhe me Uashingtonin zyrtar edhe me qendrat e tjera, është frikë koti dhe nuk do të ndodhë. Edhe zoti Kurti e aktualizoi duke dashur të krijojë një përkrahje të gjithëanshme në mbrojtje të pushtetit. Gaboi. Unë dhashë pushtetin për të mbrojtur territorin ndërsa ai për pushtet riktheu diskutimin për territore e kufij. Është gabim prej Kosovës e palëve shqiptare të diskutosh çështjen e territoreve më tej, ta riaktualizosh kur e di se nuk ekziston. Sepse do të shfrytëzohet si presion mbi Kosovën, për kompromise të tjera. Si rasti i asosacionit të komunave serbe me shumicë, në mënyrë për t’i dhënë një pushtet ekzektiv të nesërm të cilën Kosova s’mund ta bëjë.”
Ora News: Si jane marredheniet tuaja me kryeministrin Edi Rama
Ramush Haradinaj: Rama ka menduar që me këto paditë i frikëson njerëzit, i ndalon. Ka menduar se të gjithë jemi në një mënyrë të nënshtruar nga ai. Ndoshta në Shqipëri e praktikon këtë me oponentët dhe të tjerët. Rama e di që Millosheviçi nuk ka mundur të më nënshtruar mua dhe familjen time. Askush kurrë nuk mund të më nënshtrojë të drejtën e shqiptarëve dhe të Kosovës. Unë jam shqiptar, unë nuk e mbroj Kosovën vetëm për shqiptarët e Kosovës, e mbroj Kosovën se është e drejtë historike e shqiptarëve në Ballkan. Shqiptarët janë popull që asnjëherë nuk kanë marrë nga të tjerët. Të tjerët kanë marrë nga shqiptarët. Është histori e ditur dhe e dhimbshëm sa jemi copëtuar dhe zvogëluar në vazhdimësi. Jam i atij brezi që dua ta ndryshoj këtë logjikë. Ka hyrë mijëvjeçaru i tretë, UCK e ka ndryshuar këtë logjikë. Fqinjët tanë që nuk i respektojnë për vlerat e tyre me të cilët dëshirojnë të bashkëjetojnë nuk mund të marrin prej të drejtës tonë.
Kam një padi aq sa di unë sepse nuk më ka ftuar gjykata, por jo ajo padi, po çka do qoftë tjetër nuk ka për të heshtur të drejtën e shqiptarëve. Ai ka qenë pjesë direkte, ai dhe lobi i tij dhe sejmenët e tij kanë punuar intensivisht për ndarjen e Kosovës, sikurse ishte edhe zoti Thaci edhe zoti Vucic. Po për fat, qendrat vendimmarrëse, Uashingtoni zyrtar, mekanizmat e sigurisë, ata që e zbatojnë gjeostrategjikë për stabilitet në botë e kanë kuptuar lojën e tyre. I kam thënë edhe zotit Rama edhe të tjerëve, se kufijtë i kanë vendosur çizmet. Nuk i kanë ndarë ende çizmet. Pra nuk mundet kravatat të ndërrojnë kufijtë sa herë duan pa u marrë vesh me çizmet. Çizmet i kanë vendosur kufijtë. Cizmet e ushtarit të Amerikës e ushtarit të Kosovës. 1 metër larg kufirit të Kosovës rusët operojnë si në Rusi por dhe brenda kufirit te Kosoves amerikani ndodhet si në shtëpi. Nuk ndërrojnë këta kufij për hatrin e disa pushtetarëve që për të qëndruar në pushtet kushedi çfarë bëjnë.
/oranews.tv/