Ish-shefi i Kombeve të Bashkuara, Javier Perez de Cuellar, i cili ndihmoi ndërmjetësimin e armëpushimin në luftën Iran-Irak, ka vdekur në Peru, në moshën 100 vjeç. I pari drejtues i OKB-së që vizitoi Shqipërinë komuniste në 1990 dhe ndërmjetësoi zgjidhjen e krizës së ambasadave pas 2 Korrikut
De Cuellar do të vinte në Shqipëri në 12 maj të vitit 1990 dhe do të kërkonte në emër të organizmit më të rëndësishëm politiko-ekonomik botëror një takim me Ramiz Alinë, për të diskutuar për një hapje të menjëhershme ekonomike të Shqipërisë me Perëndimin për të shmangur një katastrofë humanitare si dhe orientimin e plotë politik dhe diplomatik të Shqipërisë me Europën dhe Shtetet e Bashkuara të Amerikës. Duke njohur natyrën tejet drakonine të regjimit komunist shqiptar, Javier Perez de Cuellar kërkoi një garanci të fortë nga Alia që shteti shqiptar do të bënte çmos të ndikonte për një tranzicion të zbutur politik dhe ekonomik të vendit, në mënyrë që Shqipëria të mos kthehej në një Rumani të dytë në Ballkan. 2 muaj pas vizitës shpresëdhënëse të kreut të OKB-së, në Tiranë do të shpërthente ajo që do të quhej kriza e ambasadave e korrikut 1990.
Perez de Cuellar shërbeu si Sekretar i Përgjithshëm i Kombeve të Bashkuara nga 1981 deri më 1991.
Në në maj 1990 vizitoi Shqipërinë komuniste dhe zgjidhi çështjen e familjes Popa të strehuar prej vitesh në ambasadën italiane, në Tiranë.
Ai i nxiti komunistët shqiptarë të mos vonojnë të pashmangshmen dhe të lejonin demokratizimin e vendit, duke i dhënë fund izolimit të Shqipërisë.
Lirimi i gjashtë të strehuarve dhe ikja e tyre në Itali mund të ketë ndikuar në hyrjen masive në ambasada që filloi pak javë më vonë dhe kulmoi me ngjarjet e 2 korrikut.
Sidoqoftë, OKB, nën dretimin e Perez de Cuellar, ndërmjetësoi edhe për lejimin për t’u larguar nga Shqipëria të mbi 5 mijë vetëve që kishin hyrë në ambasadat e huaja, në Tiranë, duke zgjidhur krizën e parë serioze të regjimit komunist, në fund të sundimit të tij.
OKB nuk ka pasur më asnjë udhëheqës aq dominant në komunitetin ndërkombëtar dhe imazhi i saj humbi shumë menjëherë në vitet e para të Butros-Butos-Ghalit për shkak të paaftësisë për të ndaluar masakrimin e një miliard njerëzve në Ruanda, apo me rastin e turpshëm të mosndërhyrjes për të ndaluar masakrën e Srebrenicës.
Me Perez de Cuellarin mbaron epoka e Sekretarëve të Përgjithshëm të fuqishëm.
I lindur në Peru, në 19 janar 1920, emri i tij i plotë ishte Havier Felipe Ricardo Pérez de Cuéllar de la Guerra.
Ai udhëhoqi OKB-në gjatë periudhës kur ndodhi lufta tetëvjeçare midis Iranit dhe Irakut, si dhe lufta civile në El Salvador.
Ai ishte president i Këshillit të Sigurimit të Kombeve të Bashkuara nga 1973 deri më 1974 dhe ishte përfaqësues i përhershëm i OKB-së në Qipro nga 1975 deri në 1977.
Shefi aktual i Kombeve të Bashkuara, Antonio Guterres, më 19 janar, kur Javier de Cuellar, shënonte ditëlindjes e 100-të, shkroi në rrjetin social Twitter, për kontributin dhe arritjet e tij.
“Ne në Kombet e Bashkuara udhëhiqemi me shembullin e tij dhe jemi shumë mirënjohës për kontributet dhe arritjet e tij të shumta si Sekretar i Përgjithshëm”.
