Instituti për Studime të Luftës Hibride “OCTOPUS” organizoi një forum të rëndësishëm të titulluar “Vidovdani midis Mitit dhe Gjeopolitikës: Roli i tij në Projektin Kombëtar Serb”, që synonte rishqyrtimin kritik të narrativave historike që rrethojnë Vidovdanin dhe përdorimin e tij strategjik në avancimin e politikave shtetërore serbe ndaj Kosovës dhe rajonit të gjerë të Ballkanit.
Eventi mblodhi së bashku akademikë kryesorë, ekspertë të sigurisë, albanologë, filozofë dhe gazetarë nga Kosova dhe jashtë saj për të diskutuar dimensionet ideologjike, historike dhe gjeopolitike të mitit të Vidovdanit. Forumi theksoi se si ky narrativë është instrumentalizuar si një mjet i nacionalizmit dhe si pjesë e axhendës politike ekspansioniste të Serbisë.
Panelistët kryesorë përfshinin:
Dr. Stephan Keck, Historian dhe Dekan në Kolegjin Universum
Dr. Zymer Neziri, Albanolog në Institutin e Albanologjisë
Dr. Bejtush Gashi, Ekspert i Sigurisë dhe Ish-Ministër i Punëve të Brendshme
Dr. Ibrahim Gashi, Profesor në Universitetin e Prishtines dhe Ish-Zëvendësministër i Punëve të Jashtme
Dr. Christian Costamagna, Studiues Postdoktoral në Universitetin e Rijekës (Itali), CAS SEE
Dr. Enver Bytyqi, Profesor i Shkencave Politike
Dr. Durim Abdullahu, Historian në Universitetin e Prishtines
Ridvan Emini, Kandidat për Doktoraturë, Filozof dhe Gazetar
Forumi u moderua nga Dr. Gurakuç Kuçi, Studiues i Lartë në Institutin OCTOPUS dhe organizator i eventit.
Në fjalën e tij hapëse, Dr. Kuçi theksoi: “Ky forum është më shumë sesa një debat akademik. Ai përfaqëson një kundër-narrativë ndaj një miti që është përdorur për të justifikuar politikat e dhunshme, shtypjen e shqiptarëve dhe agresionin gjeopolitik në Ballkan.”
Në aktivitet morën pjesë përfaqësues të shoqërisë civile, diplomatë, studiues të rinj dhe anëtarë të medias. Gjithashtu, u transmetua drejtpërdrejt në media të ndryshme dhe përmes kanaleve zyrtare të mediave sociale të Institutit OCTOPUS, duke siguruar një angazhim të gjerë publik.
Ky forum përfaqëson një hap vendimtar në sfidimin dhe dekonstruksionin e miteve nacionaliste, me qëllim nxitjen e mirëkuptimit dhe promovimin e paqes në rajonin shpesh të trazuar të Ballkanit.
/Argumentum.al
