Presidenti amerikan Joe Biden i është referuar Volodymyr Zelenskyt si “presidenti Putin”, kurse zëvendëspresidentës Kamala Harris si “zëvendëspresident Trump”.
Presidenti i Shteteve të Bashkuara Joe Biden mbajti një konferencë për shtyp në ditën e fundit të samitit të NATO-s në Uashington, DC, teksa u përpoq të largonte shqetësimet për moshën e tij dhe aftësinë e vazhdueshme për të udhëhequr.
Megjithatë, demokrati, 81 vjeç, foli gabim në disa raste në seksionin pyetje-përgjigje, duke ngritur shqetësime të mëtejshme për performancën e tij.
Presidenti amerikan, i cili po përballet me thirrjet për të hequr dorë për shkak të shqetësimeve për moshën e tij, ngatërroi presidentin ukrainas me liderin rus në skenë në një samit ndërkombëtar.
Gafat erdhën në fund të samitit të NATO-s në Uashington DC, i cili ishte parë si një mundësi për të shpëtuar fushatën për rizgjedhjen e Biden.
Ai më pas iu referua Kamala Harris, zëvendëspresidentës se tij, si “zëvendëspresident Trump”.
Konferenca e shtypit ishte paraqitja e tij e parë pa skenar pas një debati katastrofik me rivalin e tij Donald Trump, duke çuar në thirrje nga disa politikanë dhe donatorë demokratë që ai të tërhiqej nga gara për president.
Biden, 81 vjeç, është përballur me pyetje të vazhdueshme mbi moshën dhe aftësinë e tij për të shërbyer një mandat tjetër, të cilat u intensifikuan pas debatit.
Por në konferencën e shumëpritur për shtyp, ai hodhi poshtë shqetësimet për fushatën e tij që u ngritën vazhdimisht nga një dhomë plot me gazetarë dhe premtoi se ai nuk po luftonte për trashëgiminë e tij, por për të përfunduar punën që filloi kur ai mori detyrën në vitin 2021.
Fushata zgjedhore tha Bideni, mezi kishte filluar dhe ai përsëri se ishte i bindur se mund të mundte Donald Trump në zgjedhjet e nëntorit.
Më shumë politikanë demokratë janë duke pritur sipas raportimeve, të gatshëm të shpallin shkëputjen e tyre me presidentin, pasi kanë pritur deri në përfundimin e këtij samiti të NATO-s për të shprehur shqetësimet e tyre.
Donatorët janë të shqetësuar dhe më herët të enjten disa raporte sugjeruan se edhe figura në fushatën e presidentit po komplotonin mënyra për ta çuar kandidatin e tyre drejt daljes.
Përkundër gjithë kësaj, Biden e bëri të qartë se do të ishte një detyrë sfiduese që t’i largohej emërimi. 81-vjeçari këmbënguli se ishte “personi më i kualifikuar” për të drejtuar vendin dhe se nuk do të largohet nga skena.
