Të hënën do të botohet një artikull nga Xi Jinping, sekretar i përgjithshëm i Komitetit Qendror të Partisë Komuniste të Kinës (PKK), mbi krijimin e përbashkët të bashkësisë me të ardhme të përbashkët të Azi-Paqësorit.
Artikulli i Xi Jinping-ut, i cili është gjithashtu president i Kinës dhe kryetar i Komisionit Qendror Ushtarak, do të botohet në numrin e 22-të të këtij viti të revistës “Qiushi”, organ qendror i Komitetit Qendror të Partisë Komuniste të Kinës. Ai përbëhet nga një përmbledhje fragmentesh të marra nga deklarata të rëndësishme të Xi Jinping -ut mbi këtë temë, të bëra në periudhën midis tetorit 2013 dhe nëntorit 2025.
Artikulli thekson që interesat e ekonomive të Azi-Paqësorit janë të ndërthurura dhe fatet e tyre janë të përbashkëta e të ndërvarura. Lindja dhe zhvillimi i Bashkëpunimit Ekonomik të Azi-Paqësorit (APEC-ut) përputhet me prirjen historike të hapjes dhe integrimit, plotëson dëshirën e fortë për zhvillim në rajonin e Azi-Paqësorit dhe trajton nevojën e përbashkët që popujt e të gjitha vendeve të punojnë së bashku për të përballuar sfidat, duke dhënë kontribute të rëndësishme në promovimin e rritjes dhe lulëzimit në rajonin e Azi-Paqësorit. Sot Azi-Paqësori është rajoni ekonomik më dinamik dhe më premtues në nivel global, dhe një forcë e madhe e njohur universalisht e rritjes ekonomike botërore. “Ne duhet të krijojmë fort një ndjenjë të fateve të përbashkëta për Azi-Paqësorin, të vazhdojmë vrullin e fortë të zhvillimit të rajonit, të përqafojmë një të ardhme me lulëzim të përbashkët dhe të ndërtojmë së bashku një bashkësi të hapur, përfshirëse, inovative, të ndërlidhur dhe me përfitime të ndërsjella me të ardhme të përbashkët të Azi-Paqësorit,” thuhet në artikull./cgtn
