Kina dhe Shqipëria krijuan së bashku një kapitull miqësie që përshkoi male dhe oqeane. Dashuria dhe miqësia mes dy popujve qëndron si një interpretim i gjallë i poemës kineze “Sado larg nga miqtë që jemi, porsi komshi të mirë i kemi”, keshtu u shpreh nder te tjera I ngarkuari me punë i Ambasadës së Kinës në Shqipëri, Wang Dexin ne pritjen e organizuar nga Ambasada me rastin e Ditës Kombëtare të Kinës, në nisje të Javës së Kulturës Kineze.
I ngarkuari me punë i Ambasadës së Kinës në Shqipëri, Wang Dexin në fjalën e tij tha se vitet e fundit marrëdhëniet Kinë-Shqipëri kanë ruajtur një vrull të mirë zhvillimi, me të dy vendet që përballen me mundësi të reja bashkëpunimi në kuadër të nismës “Një brez, një rrugë” dhe Mekanizmit të Bashkëpunimit Kinë-Vendet e Evropës Qendrore dhe Lindore.
Vitet e fundit, marrëdhëniet Kinë-Shqipëri kanë ruajtur një vrull të mirë zhvillimi, me të dy vendet që përballen me mundësi të reja bashkëpunimi në kuadër të Iniciativës “një Brez, një Rrugë” dhe Mekanizmit të Bashkëpunimit “Kinë-Vendet e Europës Qendrore dhe Lindore”.
***
Shkëlqesia Juaj Bardhyl Kollçaku, Kryetar i Grupit të Miqësisë Shqipëri-Kinë në Kuvendin e Shqipërisë,
Shkëlqesia Juaj Spartak Nano, Kryetar i Shoqatës së Miqësisë Shqipëri-Kinë,
Zonja dhe Zotërinj,
Të dashur Kolegë dhe Miq,
Mirëmbrëma.
Sot jemi mbledhur këtu për të festuar 74-vjetorin e themelimit të Republikës Popullore të Kinës. Dëshiroj të shpreh përshëndetjet tona të sinqerta dhe urimet më të mira për ata që janë kujdesur prej kohësh për Kinën dhe kanë mbështetur marrëdhëniet Kinë-Shqipëri, dhe u shpreh mirëseardhjen tonë më të ngrohtë të gjithëve që marrin pjesë në pritjen e sotme.
Gjatë 74 viteve të fundit, populli kinez, nën udhëheqjen e Partisë Komuniste të Kinës (PKK), të bashkuar si një, punoi me zell me vetëbesim dhe solli ndryshime thelbësore në Kinë. Kina është zhvilluar nga një vend bujqësor i prapambetur në vendin më të madh prodhues në botë, në fakt i vetmi vend që ka të gjitha seksionet industriale të listuara nga Kombet e Bashkuara.
Vëllimi i përgjithshëm ekonomik është rritur nga 7.7 miliardë euro në vitin 1952 në 15 trilionë euro në vitin 2022, me PBB-në për frymë duke u rritur nga 15 euro në më shumë se 11,000 euro. Ndërkohë, shkalla e analfabetizmit ka rënë nga 80% në 2.67% dhe jetëgjatësia mesatare është rritur nga 39 në 77.9.
Vlen të theksohet se në sfondin e rimëkëmbjes së plogësht globale ekonomike, PBB-ja e Kinës regjistroi një normë rritjeje prej 5.5% në gjysmën e parë të vitit 2023, duke udhëhequr ekonomitë kryesore dhe duke kontribuar ndjeshëm në stabilitetin e ekonomisë botërore. Kjo tregoi edhe një herë qëndrueshmërinë, potencialin dhe vitalitetin e ekonomisë së Kinës, e cila do të mbetet në një trajektore pozitive në afat të gjatë.
Kongresi Kombëtar i 20-të i PKK-së, i mbajtur në tetor 2022, hartoi një plan gjithëpërfshirës për zhvillimin e ardhshëm të Kinës. Në rrugën e avancimit të përtëritjes së kombit kinez në të gjitha frontet përmes Modernizimit Kinez, populli kinez do të zbatojë në mënyrë të palëkundur filozofinë e re të zhvillimit, do të nxisë një paradigmë të re zhvillimi dhe do të ndjekë zhvillim me cilësi të lartë.
Modernizimi kinez do të injektojë një shtysë të fortë në rimëkëmbjen dhe rritjen botërore ekonomike. Këtë vit, përkatësisht në tetor dhe nëntor, Kina do të mbajë Forumin e 3-të “një Brez, një Rrugë” për Bashkëpunimin Ndërkombëtar dhe Ekspozitën e 6-të Ndërkombëtare të Importit të Kinës.
Kina mirëpret pjesëmarrjen e të gjitha palëve, përfshirë miqtë shqiptarë, në mënyrë që ne së bashku të ndajmë mundësitë për bashkëpunim të favorshëm dhe të krijojmë një të ardhme më të mirë me begati dhe zhvillim.
74 vitet e fundit dëshmuan zhvillimin e vazhdueshëm të marrëdhënieve Kinë-Shqipëri.
Në vitet 1960 dhe 1970, Kina dhe Shqipëria krijuan së bashku një kapitull miqësie që përshkoi male dhe oqeane. Dashuria dhe miqësia mes dy popujve qëndron si një interpretim i gjallë i poemës kineze “Sado larg nga miqtë që jemi, porsi komshi të mirë i kemi”.
Vitet e fundit, marrëdhëniet Kinë-Shqipëri kanë ruajtur një vrull të mirë zhvillimi, me të dy vendet që përballen me mundësi të reja bashkëpunimi në kuadër të Iniciativës “një Brez, një Rrugë” dhe Mekanizmit të Bashkëpunimit “Kinë-Vendet e Europës Qendrore dhe Lindore”.
Në gjysmën e parë të vitit 2023, vëllimi i tregtisë ndërmjet Kinës dhe Shqipërisë arriti në 459 milionë euro, me një rritje prej 26%. Eksporti nga Shqipëria drejt Kinës ka qenë i diversifikuar. Mjalti dhe produktet shqiptare të qumështit kanë hyrë në tregun kinez dhe grupi i parë i mjaltit shqiptar të cilësisë së lartë është eksportuar në Kinë këtë muaj.
Të gjitha këto i kanë dhënë një shtysë të re bashkëpunimit tregtar Kinë-Shqipëri. Në fillim të këtij viti, të dy vendet nënshkruan Marrëveshjen për Heqjen Reciproke të Vizave, si dhe Memorandumin e Mirëkuptimit për Bashkëpunimin Turistik, duke hapur rrugën për forcimin e mëtejshëm të shkëmbimeve dypalëshe të personelit. Të dy vendet do të vazhdojnë të punojnë për nënshkrimin e më shumë marrëveshjeve, të cilat do të nxisin shkëmbimet mes njerëzve dhe do të injektojnë dinamizëm të ri në zhvillimin e ardhshëm të marrëdhënieve Kinë-Shqipëri.
Zonja dhe Zotërinj,
Sot bota po pëson ndryshime të ndërlikuara në përmasa që janë parë rrallë në shekullin e kaluar. Propozimi i Bashkëpunimit “një Brez, një Rrugë”, Nisma e Zhvillimit Global, Nisma e Sigurisë Globale dhe Nisma e Qytetërimit Global kanë ofruar formulën e Kinës për të trajtuar çështjen e deficitit të zhvillimit, për të kapërcyer sfidat e sigurisë dhe për të përmirësuar komunikimin midis qytetërimeve. Aktualisht, kriza e Ukrainës po zhvillohet në mënyra komplekse me ndikime të mëdha në peizazhin ndërkombëtar.
Për çështjen e krizës në Ukrainë, Kina ka qëndruar e vendosur për paqe dhe dialog, dhe është e gatshme të punojë me komunitetin ndërkombëtar për të krijuar konsensus dhe besim, duke dhënë në këtë mënyrë kontributin e Kinës për zgjidhjen paqësore të krizës në Ukrainë. Kina është gjithmonë për ruajtjen e paqes botërore, nxitjen e zhvillimit global, ruajtjen e rendit ndërkombëtar dhe promovimin e përparimit të qytetërimeve njerëzore.
Kina do të vazhdojë të mbështesë dhe të çojë përpara frymën e Pesë Parimeve të Bashkëjetesës Paqësore, të promovojë përfitime reciproke dhe të punojë së bashku me vendet e tjera për të ndërtuar një komunitet me një të ardhme të përbashkët për njerëzimin.
Zonja dhe Zotërinj,
Pas tre ditësh, populli kinez do të festojë Festën tradicionale të Mesvjeshtës. Mesvjeshta simbolizon ribashkimin. Në këtë ditë, populli kinez do të ndajë mooncakes, ushqim tradicional, për të shprehur dëshirat tona për një jetë të begatë. Ambasada Kineze ka përgatitur disa mooncakes për pritjen e sotme dhe shpreson që njerëzit e fshatit tonë global të jetojnë në paqe dhe harmoni dhe të ecin përpara së bashku për një të nesërme më të mirë.
Tani, Zonja dhe Zotërinj,
Për prosperitetin e Kinës dhe lumturinë e popullit kinez;
Për miqësinë tradicionale të përjetshme midis Kinës dhe Shqipërisë;
Për shëndetin dhe suksesin e të gjithëve!
Gëzuar!
/Argumentum.al
