Jorgo Papingji, shkruesi i disa prej teksteve më në zë në muzikën shqiptare është shuar në moshën 81-vjeçare. Tekst shkruesi i mijëra këngëve të dashura për shqiptarët në Festivalin e Këngës largohet pas një gjendje të rënduar shëndetësore ku prej disa ditësh ishte i shtruar në spitalin e Sanatoriumit duke lënë pas pasuri të vyera për vendin.
Kuvendi mbajti mbrëmjen e sotme një minutë heshtje për ndarjen nga jeta të poetit dhe mjeshtrit të madh të teksteve të këngëve, Jorgo Papingji.
Papingji ndërroi jetë pasditen e sotme në moshën 82-vjeçare. Ai njihet si autor i më shumë se 4000 mijë teksteve të këngëve shumë prej të cilave kanë shoqëruar brezat dhe këndohen ende edhe sot.
Deputetja e Partisë Socialiste Mimi Kodheli i kërkoi kryetares së Kuvendit, Lindita Nikolla në seancën plenare të Kuvendit të mbahet një minutë heshtje, gjë që u pranua nga Nikolla.
Kodheli tha se Papingji është autor i dashur për breza të tërë shqiptarësh, mes të cilëve edhe shumë deputetë të pranishëm në sallën e Kuvendit.
Edhe Kryeministri Edi Rama në një mesazh mbrëmjen e sotme shprehu ngushëllimet për ndarjen nga jeta të poetit dhe autorit të shumë teksteve të këngëve, Jorgo Papingji.
“Lamtumirë maestro Jorgo Papingji, autori i teksteve të dashurisë në koleksionin e këngëve më të kënduara shqiptare. U prehsh në paqe”, shkroi Rama në rrjetet sociale.
Jorgo Papingji ka shkruar mbi 4000 këngë. Ai është emëruar “Mjeshtri i Madh”
Krijimtari e Jorgo Papingjit
1980 – “Kur jemi bashkë të dy” (i kryer nga Luan Zhegu)
1990 – “Askush s’do ta besojë” (i kryer nga Anita Bitri, fitues)
1991 – “Fat dhë jetë” (i kryer nga Anita Bitri)
1993 – “Kur e humba një dashuri” (i kryer nga Manjola Nallbani, fitues)
1993 – “Rri me mua” (i kryer nga Mira Konçi)
1994 – “I thuaj jo” (i kryer nga Ardit Gjebrea)
1995 – “E doni dashurinë” (i kryer nga Luan Zhegu dhe Ledina Çelo)
1999 – “S’jam tribu” (i kryer nga Aurela Gaçe, fitues)
1999 – “Apokalipsi” (i kryer nga Irma dhe Eranda Libohova)
2001 – “Jetoj” (i kryer nga Aurela Gaçe, fitues)
2004 – “Hëna dhe yjët dashurojnë” (i kryer nga Luiz Ejlli)
2005 – “E dua këngën” (i kryer nga Evis Mula)
2007 – “Po lind një yll” (i kryer nga Rosela Gjylbegu)
2009 – “Në pasqyrë” (i kryer nga Anjeza Shahini)
2010 – “Mirëmbrëma ëngjëlli im” (i kryer nga Dorina Garuci)
2011 – “Këngën time merr vehtë” (i kryer nga Bashkim Alibali)
2011 – “Më ler të të dua” (i kryer nga Mariza Ikonomi)
2012 – “Kush ta dha këtë emër” (i kryer nga Hersiana Matmuja)
2013 – “Zemërimi i një natë” (i kryer nga Hersiana Matmuja, fitues)
2014 – “Vetëm të ti bësoj” (i kryer nga Klajdi Musabelliu)
Këngë që morën pjesë në festivalin Kënga Magjike
1999 – “Vetëm një fjalë” (i kryer nga Elsa Lila, fitues)
Këngë që morën pjesë në Festivalin Evropian i Këngës
2014 – “One Night’s Anger” (i kryer nga Hersiana Matmuja)
Këngë që morën pjesë në Junior Eurovision Song Contest
2012 – “Kam një këngë vetëm për ju” (i kryer nga Igzidora Gjeta)
/Argumentum.al
