Presidentët e Iranit dhe Taxhikistanit iu referuan kapaciteteve të ndryshme dhe të shumta të disponueshme në të dy vendet si një platformë e përshtatshme për përmirësimin e nivelit të marrëdhënieve ndërmjet Teheranit dhe Dushanbesë, duke theksuar nevojën për vazhdimin e takimeve dhe konsultime mes zyrtarëve të dy vendeve për të përshpejtuar zbatimin e marrëveshjeve mes dy vendeve.(2022/05/30) Duke folur në takimin e delegacioneve të rangut të lartë iranian dhe taxhik të së hënës pasdite, Dr Sejid Ebrahim Raisi tha se vizita e Presidentit taxhik drejt Teheranit është padyshim një pikë kthese në forcimin dhe thellimin e marrëdhënieve ndërmjet dy vende, duke theksuar: “Marrëdhëniet miqësore dhe vëllazërore ndërmjet Teheranit dhe Dushanbesë bazohen në përbashkëtat e gjera historike, kulturore dhe gjuhësore dhe shkojnë përtej fqinjësisë të zakonshme”.
“Irani dhe Taxhikistani kanë kapacitete të mira për të rritur bashkëpunim në fusha të ndryshme të tregtisë, energjisë, turizëm, mjekësi dhe farmaci, investime, ujë dhe burimet natyrore, si dhe në shërbimet teknike dhe inxhinierike”, tha ai.
Duke thënë se ne e konsiderojmë Taxhikistanin si vëlla dhe të afërëm të Republikës Islamike të Iranit, Dr. Raisi tha: “Rritja dhe zhvillimi i Taxhikistanit është njëlloj si përparimi i Iranit dhe vështirësitë e tij dhe vuajtja është edhe vuajtja jonë. Forcimi i bashkëpunimit dypalësh midis Iranit dhe Taxhikistanit do të hapë rrugën për zhvillimin e rajonit dhe bashkëpunimit ndërkombëtar mes të dy vendeve”.
Presidenti i Taxhikistanit Emomali Rahmon i përshkroi gjithashtu marrëdhëniet midis Teheranit dhe Dushanbesë si të thella dhe miqësore, duke thënë: “Pas vizitës së Z.Raisi në Dushanbe dhe promovimit të anëtarësimit të Iranit në Organizatën e Shangait, janë ndërmarrë hapa efektivë për zhvillimin e marrëdhënieve midis dy vendeve”.
“Vëllimi i shkëmbimeve tregtare dhe ekonomike mes dy vendeve është rritur shumëfish, ky nivel i rritjes së vëllimit të shkëmbimeve dhe bashkëpunimeve mes dy vendeve është i domosdoshëm, por duke pasur parasysh cilësinë e marrëdhënieve politike dhe kapacitetet ekzistuese në të dy vendet , nuk mjafton”, u shpreh ai.
Presidenti i Taxhikistanit e përshkroi lehtësimin e udhëtimit turistik, veçanërisht të aktorëve ekonomikë, si dhe vendosjen e fluturimeve direkte si zona efektive për zgjerimin e zonave të shkëmbimeve të tregtisë dhe ekonomisë mes dy vendeve dhe shtoi, “Taxhikistani është i interesuar në rritjen e nivelit të marrëdhënieve dhe bashkëpunimit me Republikën Islamike të Iranit, dhe udhërrëfyesi për zhvillimin e marrëdhëniet mes dy vendeve në horizontin e vitit 2030 ka paraqitur një vizion premtues të këtij synimi për të dy vendet”.
/Argumentum.al
