Mario Stefanov-Gjeopolitika[i]
Nuk është rastësi që banka Barclays është e lidhur me financimin e kalimit të emigrantëve nga Libia nëpërmjet Mesdheut me ndërmjetësinë e shoqatave humanitare të grumbulluara përreth organizatës së Xhorxh Sorosit dhe nën patronatin e shërbimeve dhe agjensive qeveritare amerikane. Sipas të dhënave të shërbimit informativ të ushtrisë austriake Osterreichischen Abwehramts, banka Barclays, nëpërmjet kompanive të saj British Equistone Partners Europe, është partneri real i kompanisë Ors Service Ag, e cila u ofron ndihmë financiare emigrantëve. Aksionerët më të mëdhenj të bankës Barclays, të shpëtuara nga kapitali i Katarit, nuk janë askush tjetër veçse kompania investuese NM Rothschild & Sons Limited dhe sateliti i tyre financiar Lazard Brothers.
Ekziston një rregull- sa herë që Europa është në probleme apo ekonomike, dyert e ekonomisë dhe industrisë europiane i hapen katërkapakësh kapitalit arab. Bëhet fjalë për investime që rrjedhin nëpër Europë pothuajse ekskluzivisht nga petromonarkitë arabe të grumbulluara përreth Arabisë Saudite në Këshillin e bashkëpunim në gadishullin arabik (Gulf Cooperation Council – GCC), në përbërje të të cilit, me Arabinë Saudite si udhëheqëse, janë është Emiratet e Bashkuara Arabe, Katari, Kuvajti, Bahreini dhe Omani.
Investime të mëdha kryesisht nga fondet investuese shtetërore nga këto vende në bankat europiane, kompani të biznesit financiar, dhe më së shumti në energjetikë dhe industri sjellin pas vetes, në mënyrë të paevitueshme, edhe ndikimin e investitorëve arabë në shtete më të fuqishme europiane.
Në këtë kuptim është shumë indikativ fakti se vala e investimeve masive të kapitalit arab në ekonominë dhe industrinë europiane përputhet në kohë me valën më të madhe të emigrimeve nga territoret e Lindjes së Afërt drejt Europës, gjë të cilën e ka miratuar politika gjermane dhe politika e shteteve udhëheqëse europiane dhe antarëve të Bashkimit Europian.
Zgjerimi i ndikimit
Kriza e re energjtike dhe ekonomike në të cilën Europa dhe Bashkimi Europian po rrëshqet përsëri dalngadalë, si dhe krizat financiare të viteve 2007-2008, rrjedhimisht kanë sjellë pas vetes investime të reja masive të kapitalit arab dhe me këtë edhe ndikimin politik. Biznesi në Europë i fondeve arabe nga Katari, Emiratet e Bashkuara Arabe dhe Kuvajtit rritet pothuajse në mënyrë proporcionale me rritjen e krizës ekonomike në Europë. Më të shkathtit njëkohësisht edhe më të fuqishmit janë edhe fondet arabe, mbi të gjithë Fondi Investues i Katarit (Qatar Investment Authority), pastaj fondet nga Emiratet e Bashkuara Arabe dhe Kuvajtit – Abu Dhabi Investment Authority – ADIA dhe Kuwait Investment Authority, si dhe Fondi shtetëror saudit The Public Investment Fund (PIF). Vlerësohet se secili prej fondeve të lartpërmendur nga Kuvajti dhe Emiratet e Bashkuara Arabe drejton kapitale më të mëdha se gjysëm trilioni dollarë, gjë që bën që ata të vlerësoheën ndër pesë fondet më të mëdha investuese botërore.
Investimet e fondeve arabe janë të planifikuara me kujdes dhe të koorfinuara mirë në kohë. I blejnë aksionet në kompanitë europiane në momentin më të përshtatshëm. Synojnë më shumë kompanitë e shteteve më të fuqishme europiane, para së gjithash ato të ekonomisë gjermane. Katari, muajt e fundit ka shpenzuar miljarda për të përhapur ndikimin e tij në ekonominë gjermane. Katari, nëpërmjet fondeve të tij blen jo vetëm aksione por edhe ndikim. Kështu, në fillim të muajit tetor të këtij viti fondi shtetëror i Katarit (Qatar Investment Authority), nëpërmjet degës së tij në Gjermani, Qatar Holding, i cili është pronë e tij qind përqind, lajmëroi investimin prej 2,5 miljardë euro në kolosin energjetik gjerman RWE AG me seli në Essen. Në këtë biznes hyri pikërisht kur RWE njoftoi blerjen e prodhuesit dhe operatorit amerikan të sistemeve diellore Con Edison Clean Energy Bussines me vlerë shtatë miljardë euro në mënyrë që të forconte pozitat e tij në tregun e biznesit me burime të rinovueshme të energjisë.
Robëri e përjetshme
RWE-ja gjermane prej një kohe të gjatë kërkonte mënyrën për të hyrë në strukturën aksionare të kompanisë së lartpërmendur amerikane, por, për mbylljen e konstruksionit financiar për të bërë të mundur realizimin e kësaj pune kredia mbetej si obsion i vetëm. Bash në këtë moment, aspak rastësisht, në lojë hyri Katari duke i siguruar kompanisë RWE sasinë e duhur të parave për marrjen e kompanisë amerikane.
Ndërprerja e bashkëpunimit me Dohan dhe me kapitalin e Katarit është bërë sot mision i pamundur për ekonominë dhe industrinë gjermane, jo vetëm për shkak të humbjeve të biznesit dhe dëmit të madh financiar, por edhe për atë se Katari është involvuar thellë në ekonominë dhe financat europiane nëpërmjet aksioneve në pronat e korporatave dhe të bankave të fuqishme europiane dhe kësisoj çdo prishje e marrëdhënieve mund të destabilizojë seriozisht bursën europiane. Krahas kësaj, Katari është edhe furnizues me rëndësi i Europës me gaz të lëngshëm dhe konkurenti direkt i planeve amerikane për furnizimin e Europës me gazin e saj të lëngshëm.
Është fakt i njohur tashmë gjërësisht se paraja përcakton rregullat e lojës dhe ato të vendimeve politike, ndërsa vendimet për hapjen e dyerve europiane për emigrantët nga vendet arabe, kjo është shumë domethënëse, janë marrë pasiqë investimet tejet të mëdha të monarkive të pasura arabe, sponsorë dhe mbrojtës të ekstremizmit sunit, Arabisë Saudite, Kuvajtit dhe në mënyrë të veçantë të Katarit kanë përforcuar pozitat e tyre në Europë në të cilën kanë hyrë në mënyrë masive në fillim të krizës paraardhëse të vitit 2008, me mision injektimin direkt dhe shpëtimin e bankave dhe korporatave europiane.
Kështu përshembull, sot fondi investues i Katarit (Qatar Investment Authority) disponon aksione të rregullta dhe të privilegjuara të Volkswagenit dhe Siemensit gjerman, anglo-hollandezit Royal Dutch Shella, kolosit ndërtimor francez Vinci, Glencoree-se zvicerane e cila merret me minierat dhe tregtinë e djathit, kompanisë elektroenergjtike spanjolle Iberdole me 31 mijë të punësuar në dhjetë shtete të ndryshme, ku është madje pronari më i madh, si dhe bankës Barclays me seli në Londër.
Qindra milijarda
Nëpërmjet konstruksioneve të ndërlikuara financiare fondi i Katarit Paramount Holding Services në pronësi të antarit të familjes mbretërore, sheikut Hamad bin Jassim bin Jaboraal-Thani, gjatë vitit 2014, mori pjesë në rikapitalizimin e Deutche bank-ës gjermane nëpërmjet injektimit direkt të 1,75 miljardë eurove.
Paratë e Arabisë Saudite, të Emirateve të Bashkuara Arabe të Bahreinit janë pompuar direkt në ekonominë europiane ose janë investuar për punime plotësisht të panevojshme ose fiktive me kompanitë europiane në mënyrë që të mbulohen transaksionet dhe paratë e dhuruara në këmbim të ndikimit politik. Është fjala për qindra milirda euro me provizione milionëshe, me të cilat të fuqishmit arabë, në bashkëpunim me partnerët vendas, kanë korruptuar komplet elitën politike europiane, e cila, ja pra, ku na luftoka për ekonominë e saj. Kryeministri i atëhershëm francez Manuel Vallsnakon pasi i kthye nga Riadi me 13 tetor 2014 shkruante me krenari në llogarinë e tij në Tviter: “Franca-Arabia Saudite: marrëveshje me vlerë dhjetë miliardë euro. Qeveria është aktive në ruajtjen e kompanive tona dhe të vendeve të punës”.
Sipas të dhënave që ka publikuar Die Zeit-it gjermane në muajin korrik 2017, Katari që atëherë dispononte 17 përqind të aksioneve të Volkswagen-it, 3 përqind të aksioneve të Siemens-it, 14 përqind të aksioneve të Hapag Lloyd-it, (i cili për madhësinë e kapacitetit është transportuesi me kontejnerë i pesti në botë) dhe me rreth 8 përqind të aksioneve të Deutche Bank-ës. Në muajin mars të vitit 2017, Reuters-i informonte mbi interesat e fondit investues saudit (The Public Investment Fund- PIF) për investime në kompanitë financiare dhe teknologjike gjermane. Investimet intensive të kapitalit arab në kompanitë europiane, kryesisht ato gjermane, kanë vazhduar edhe në vitet në vijim. Kriza e re ka krijuar kushte të reja në Europë.
Katari si rrjedhojë e ndikimit të tij në ekonominë gjermane është bërë mbështetësi kryesor i interesave gjermane në Gjirin Persik dhe kyç për aksesin e Berlinit në petromonarkitë e Këshillit për Bashkëpunim në Gji (GCC).
Respektimi i traditës
Një status të tillë të Katarit në politikën zyrtare dhe në ekonominë gjermane e ilustron më së miri edhe studimi i vitit 2017 i think-thank-ut të njohur gjerman Dahrendorf Forum, të cilën e kanë themeluar Hertie School of Governance berlineze, London School of Economics dhe fondacioni Stiftung Mercator, studim i cili përpiqet që, në gjurmët e promovimit të bashkëpunimit me Katarin, të krijojë një pamje të bukur të Katarit dhe të theksojë rëndësinë e tij strategjike për politikën gjermane dhe atë europiane. Studimi i Dahrendorf-it, me autor Nikolas Fromm nga Univesiteti i forcave të armatosura gjermane “Helmut Schmidt” të Hamburgut, pohon se Katari, gjatë mbretërimit të emirit Hamada bin Khalifa Thanija (1995-2013), filloi “politikën e hapjes ndaj botës së jashtme dhe ndërtimin e strukturës liberale ekonomike dhe shoqërore”, gjë me të cilën medemek iu afrua modelit shoqëror dhe atij ekonomik europian.
Pas pikturës së çuditshme të Katarit si zog sqepverdhë çudibërës i demokracisë liberale me emirin në krye të shtetit, studimi konkludon se Bashkimi Europën duhet të zhvillojë akoma më fuqishëm marrëdhëniet me Katarin dhe shtetet e tjera të GCC-së në mënyrë që të arrijë interesat e tij afatgjatë ekonomike dhe të sigurisë: “Kjo vlen, sot më shumë se kurrë, në botën e rëndësisë gjithnjë e më të madhe të dimensionit mesdhetar për politikën europiane, gjë në të cilën Katari është hallka kryesore e lidhjes së BE-së me shtetet e tjera të GCC-së”. Për këtë, sipas autorit të studimit, “Europa duhet të miratojë një akses konstruktiv drejt partnerëve të Gjirit nga GCC-ja. Duhet të largohet nga paradigma e cila Katarin, por edhe shtetet e tjera të GCC-së i paraqet ekskluzivisht si shkelës të të drejtave të njeriut, në të cilën injorohet merita e politikës së jashtme të Katarit”. Në vend të imponimit të fajit për shkeljen e të drejtave të njeriut, Fromm-i pohon se me Katarin dhe shtetet e tjera nga GCC-ja, përfshirë edhe Arabinë Saudite, duhet të krijohet njëfarë raporti besimi i cili ata, me ndërmjetësinë e mençur të Bashkimit Europian, do ti shpjerë drejt demokratizimit të mëtejshëm. Duket qartë se këtu kemi të bëjmë me një spin klasik propagandistik nëpërmjet të cilit përpiqet të justifikohet moralisht dhe politikisht bashkëpunimi i afërt me diktaturat tipike me synimin për vënien në jetë të një agjende strategjike, gjithnjë e më të dukshme, të lidhjes integruese të Europës me Lindjen e Afërt, deri tani të mbajtur mbuluar.
Shërbimi mediatik
Për këtë është me shumë rëndësi një përcaktim i Katarit dhe diktaturave të tjera nga GCC-ja i shprehur në vazhdim të studimit, ku Fromm-i nënvizon se “Katari është i përfshirë fuqishëm në ndërveprimin me shtetet e NATO-s, gjatë të cilit Doha ka arritur të vendoset si bashkëbisedues primar, i cili ka kontribuar në mënyrë konstruktive për forcimin e lidhjeve të GCC-së me NATO-n. Gjatë vitit 2011 Katari shfaqi gatishmëri të ndjekë Perëndimin dhe të marrë përgjegjësinë për rrëzimin e Kadafit në Libi”.
Sa larg ka shkuar ndikimi politik dhe kulturologjik i investitorëve arabë në ekonominë dhe industrinë europiane, dëshmon edhe deklarata e servisit mediatik Fanack të datës 13 shkurt 2017. Shërbimi mediatik i lartpërmendur është themeluar në Holandë me 13 shkurt 2010 dhe synon promovimin e informacioneve nga territoret e Lindjes së Mesme dhe të Afrikës Veriore (MENA). Në artikullin e tij të datës 17 shkurt 2017 me titullin “GCC Investments in the West” përshkruhet vëllimi i investimeve arabe në shtetet europiane dhe mes të tjerash nënvizohet se investitorët nga Katari kanë bashkëpunuar në financimin e ndërtesës londineze Shard Tower, ndërtesë biznesi me lartësi 310 metra e cila është njëkohësisht edhe ndërtesa më e lartë në Europë. Fanack nënvizon se fondet financiare nga Katari kanë arritur të kenë 80 përqind të aksioneve në këtë projekt, gjë që u ka lejuar atyre të vënë disa rregulla të bërjes së biznesit. Fanack-u e paralajmëron opinionin publik europian me këtë fakt në këtë mënyrë: “Meqënëse projektin e kanë financuar fondet që vepërojnë në përputhje me të drejtën e sheriatit, përdoruesit e ardhshëm të ndërtesës do ti nënështrohen disa rregullave dhe kushteve përfshirë edhe të tilla që janë të lidhura me biznesin që është i paligjshëm në lidhje me të drejtën e sheriatit”. Kjo, me sa duket, është një prej të dhënave të turpshme të vendosjes së rregullave të investitorëe arabë në botën europiane të biznesit, dhe në të ardhmen mund të priten gjithnjë e më shumë kësi lloj ndërhyrjesh në praktikën europiane të biznesit. Ai që vendos kësi kushtesh mund të kërkojë edhe lejimin dhe zhvendosjen masive të popullsisë nga Lindja e Afërt dhe Afrika Veriore në territoret europiane. Për më shumë që shembulli i lartpërmendur është tejet e i pafajshëm në krahasim me atë që përgatisin investitorët arabë, sëbashku me partnerët e tyre europianë, pas kulisave.
Arabët kanë korruptuar elitën politike të BE-së
Ajo që u tregua më sipër është vetëm një kokrizë rëre në furtunën e shkretëtirës së kapitalit arab e cila dhjetëvjeçarëve të fundit po fryn mbi kontinentin europian dhe kush është ai naiv që mund të mendojë se pronarët e këtyre aksioneve të mëdha në korporatat dhe bankat europiane, nuk mund të vendosin mbi çështjet kryesore të politikës europiane.
Petromonarkitë e Gjirit antare të Këshillit për bashkëpunim në Gji (Gulf Cooperation Council – GCC), në përbërje të të cilit janë Arabia Saudite, Emiratet e Bashkuara Arabe, Bahreini, Kuvajti, Katari dhe Omani, me fuqinë e tyre financiare kanë arritur të korruptojnë një pjesë të elitës politike europiane, të realizojnë ndikim në politikën europiane dhe të imponohen si partnerë strategjikë europianë në territoret e Lindjes së Afërme. Kriza e re ekonomike që ka filluar të përhapet nëpër Europë u ka ofruar atyre mundësi të reja ndikimi në politikën e shteteve më të fuqishme europiane dhe tërë Bashkimit Europian. Për këtë vala e re e emigracionit të organizuar nga territoret e Lindjes së Afërme drejt Europës nuk pa përse të mos jetë rrjedhojë e pritshme e ngjarjeve në vijim.
Barclays financon rrugën mesdhetare të ardhjes së emigrantëve
Fondi ka aksione të mëdha në Credit Suisse dhe në vitin 2008, ai shpëtoi nga bankrotimi Barclays-in duke investuar direkt në këtë bankë gjashtë miliardë funta.
Nuk është rastësi që banka Barclys është e lidhur me financimin e kalimit të emigrantëve nga Libia nëpërmjet Mesdheut me ndërmjetësinë e shoqatave humanitare të grumbulluara përreth organizatës së Xhorxh Sorosit dhe në patronatin e shërbimeve dhe agjensive qeveritare amerikane. Sipas të dhënave të shërbimit informativ të ushtrisë austriake Osterreichischen Abëehramts, banka Barclys nëpërmjet kompanive të saj British Equistone Partners Europe është partneri real i kompanisë Ors Service Ag, e cila u ofron ndihmë financiare emigrantëve. Aksionerët më të mëdhenj të bankës Barclays, të shpëtuara nga kapitali i Katarit, nuk janë askush tjetër veçse kompania investuese NM Rothschild & Sons Limited dhe sateliti i tyre financiar Lazard Brothers.
*Përktheu për Argumentum Xhelal FEJZA
[i] https://www.geopolitika.news/analize/m-stefanov-arapski-kapital-preuzima-posrnulo-gospodarstvo-eu/