Fjala kyçe: 合作—[hé zuò]—bashkëpunim
Në fillim të këtij viti, Kina eksportoi pjesën e fundit të anijes që shërben për të instaluar në det pajisjet e prodhimit të energjisë së erës. Anija, e prodhuar nga ndërmarrjet kineze për kompaninë holandeze, do të përdoret për transportimin dhe instalimin në det të pajisjeve të energjisë.
Yu Chuntao, drejtor në ndërmarrjen prodhuese të anijes, prezanton: “Anija ka një ndarje për ruajtjen e karburantit metanolin prej 3000 metra kub. Ajo është e aftë të reduktojë lëshimin e karbonit me të paktën 78%”.
Ndërsa Kina po kontribuon në mënyrë aktive në tranzicionin energjetik të Evropës, kompanitë evropiane po zgjerojnë gjithashtu bizneset e tyre të gjelbra dhe me karbon të ulët në Kinë. Ato po rrisin investimet në teknologji, duke rritur konkurrencën e tyre dhe duke kontribuar në zhvillimin e qëndrueshëm të Kinës.
Miguel Angel Lopez Borrego, Kryetar Ekzekutiv i kompanisë ThyssenKrupp, u shpreh: “Kina aktualisht po promovon zhvillimin me cilësi të lartë dhe objektivat “2 Karbona”. Ne shohim potencial të madh biznesi, të nxitur nga zhvillimi i gjelbër i Kinës. Ne do të vazhdojmë të rrisim kompetencat lokale në sektorët e gjelbër të prodhimit të nivelit të lartë. Gjithashtu do të forcojmë më tej inovacionin si forca jonë lëvizëse e fuqisë së gjelbër industriale, për të kapur sa më shumë mundësi në tregun kinez.”
Foto nga VCGKina dhe BE-ja janë promovues aktivë në përballimin e ndryshimeve klimatike. Ata kanë nxitur arritjen e Marrëveshjes historike të Parisit dhe kanë vendosur objektivat e tyre për uljen e karbonit dhe pakësimin e lëshimeve. Kina dhe BE kanë epërsitë e tyre në zhvillimin e industrive të gjelbra. Të dy palët kanë një bazë të thellë dhe potencial të madh bashkëpunimi.
Zv/kryetari i Drejtorisë së Investimeve dhe Tregtisë të Polonisë, Paweł Pudłowski tha : “Ne po nxisim projektin e energjisë së erës në det dhe po planifikojmë të ndërtojmë fushat e energjisë së erës në detin Baltik. Ndërkohë, kemi plan për zhvillimin e energjisë së pastër fotovoltaike dhe të erës edhe në zonat tokësore. Sektori i energjisë së re në Poloni po zhvillohet me shpejtësi. Ne mirëpresim sinqerisht palët të kushtojnë vëmendje të vazhdueshme mbi këtë fushë dhe të marrim pjesë aktivisht në bashkëpunimet përkatës.”
Ish-Kryetari i Dhomës Tregtare të BE-së në Kinë, Mats Harborn vuri në dukje: “Kina është lider në teknologjitë e gjelbra. Për ne, Kina është bërë jo vetëm një treg i rëndësishëm, por edhe një burim i madh i teknologjive të reja që mund të përfshijmë në produktet tona për Kinën, si edhe për botën.”
Bashkëpunimi në përballimin e ndryshimeve klimatike, po bëhet gjithnjë e më shumë një pikë kryesore e re e partneritetit të gjithanshëm strategjik Kinë-BE. Në situatën që po intensifikohet kriza klimatike, dhe tërheqja e SHBA-së nga Marrëveshja e Parisit apo sistemi global shumëpalësh i qeverisjes klimatike, po përballet me një provim serioz, bashkëpunimi Kinë-BE për zhvillim të gjelbër dhe me karbon të ulët, jo vetëm përshtatet me interesat dypalëshe, por edhe është në të mirë të zhvillimit të qëndrueshëm të planetit tonë.
Ministri i Çështjeve Shtetërore dhe të Jashtme të Portugalisë, Paulo Rangel u shpreh: “Zgjedhja e teknologjisë është shumë e rëndësishme. Ne gjithmonë duhet të përdorim teknologji të pastra dhe miqësore me mjedisin, teknologji që pakësojnë lëshimet e karbonit. Prandaj, dua të them që shumë përmbajtje bazë rreth kësaj teme, janë një nga temat shumë të rëndësishme në marrëdhëniet Kinë-Portugali.”
Foto nga VCGAmbasadori i Holandës në Kinë, André Haspels tha: “Mendoj se është e rëndësishme të punojmë së bashku për zhvillim të qëndrueshëm në fusha të ndryshme, qoftë në infrastrukturë, qoftë për konsumatorët, qoftë për sektorin e transportit, qoftë për sektorin e prodhimit.”
Presidenti i Nderit i shoqatës rumune The ChinaRo, Vicentiu Gheorghe u shpreh: “Kina dhe BE ndajnë një vizion të ngjashëm për zhvillim të qëndrueshëm. Ato kanë bashkëpunuar me sukses në fusha si pakësimi i lëshimeve të gazrave serrë dhe zhvillimi i qyteteve inteligjente. Forcimi i këtij bashkëpunimi është në të mirë të zbatimit të Marrëveshjes së Parisit dhe të zhvillimit të qëndrueshëm global.”/cgtn
