Ambasada e SHBA-së në Tiranë shpërndau sot mesazhin e presidentit Donald Trump, pas sulmeve të forcës ajrore amerikane ndaj tre objektivave bërthamore të Iranit.
Në mesazhin e tij, Trump shkruan se në rast kundërpërgjigje, Teherani do të përballet me një forcë ushtarake edhe më të madhe se ajo e mbrëmjes së kaluar.
“Kemi përfunduar me sukses të madh sulmin tonë ndaj tre objekteve bërthamore në Iran, përfshirë Fordow, Natanz dhe Esfahan. Të gjithë avionët tani janë jashtë hapësirës ajrore të Iranit. Një ngarkesë e plotë me bomba u hodh mbi objektivin kryesor, Fordow. Të gjithë avionët janë në rrugë të sigurt drejt shtëpisë. Urime luftëtarëve tanë të mëdhenj amerikanë. Nuk ka ushtri tjetër në botë që do të mund ta bënte këtë. Tani është koha për paqe! Faleminderit për vëmendjen ndaj kësaj çështjeje”, shkruan presidenti Trump.
Po ashtu, Presidenti Donald J. Trump siguron se “çdo hakmarrje nga Irani ndaj Shteteve të Bashkuara të Amerikës do të përballet me forcë shumë më të madhe se ajo që u pa”.
