Projektligji i gjithanshëm i shkurtimit të taksave dhe shpenzimeve, i mbështetur me forcë nga presidenti Trump, u miratua me një shumicë të vogël pas një bllokimi dramatik në Senat. Megjithatë, vota e zëvendëspresidentit Vance, që “prishi barazimin”, thelloi më tej ndarjet brenda shoqërisë amerikane e rriti shqetësimet globale. Një sondazh global në internet i kryer nga CGTN-i, tregoi se 89.1 për qind e të anketuarve besojnë që ky projektligj i ashtuquajtur “i madh dhe i bukur” ka zbuluar kundërshtitë e thella të “demokracisë amerikane” dhe nuk do të arrijë “ta bëjë Amerikën përsëri të madhe”.
Gazeta “The New York Times” e cilësoi projektligjin “e kundërta e Robin Hudit, duke marrë qindra miliardë nga të varfrit e duke ua dhënë të pasurve.” Projektiligji planifikon shkurtojë financimin federal të programit të mbulimit të kostove mjekësore “Medicaid” me të paktën 600 miliardë dollarë gjatë një dekade, duke u hequr mbulimin shëndetësor rreth 11 milion vetave ndërsa rrit ndjeshëm premiumet dhe shumën që duhet të paguajnë të siguruarit për 24 milionë të tjerë. 88.2 për qind e atyre që u përgjigjën në sondazh e kritikuan këtë projektligj si një goditje të rëndë për sistemin shëndetësor të ShBA-së, duke paralajmëruar se ai do ta ulë cilësinë e jetës së amerikanëve. Shkurtimet e propozuara të taksave parashikohet ta shtojnë deficitin federal me 2.4 trilionë dollarë gjatë 10 vjetëve, me pagesat e interesit që rriten me 551 miliardë dollarë. 89.3 për qind e pjesëmarrësve në sondazh janë të shqetësuar që kjo do të përkeqësojë rreziqet e borxhit të ShBA-së e mund të shkaktojë një krizë ekonomike të plotë.
Natyra përjashtuese dhe zgjeruese e projektligjit ka shkaktuar gjithashtu zemërimin e publikut. Ai vendos taksa të reja mbi investimet nga vende si Mbretëria e Bashkuar dhe Gjermania, duke filluar nga 5 % në vitin e parë dhe duke u rritur potencialisht në 20 % deri në vitin e katërt. 84.9 për qind e të anketuarve e kritikuan këtë masë, duke thënë që ajo do t’i bëjë investitorët ndërkombëtarë të ngurrojnë të investojnë dhe të hapin fabrika në ShBA, duke e bërë objektivin e rikthimit të prodhimit në ShBA të vështirë për t’u arritur. Përveç kësaj, projektligji jep 175 miliardë dollarë për politikat kufizuese të emigracionit, duke përfshirë dëbimet e brendshme, ndërtimin e mureve kufitare dhe teknologjinë e mbikëqyrjes. 80.2 për qind e pjesëmarrësve shqetësohen se kjo do të zgjerojë sferën e zbatimit të ligjit në fushën e emigracionit dhe do të përkeqësojë gjendjen kaotike të kontrollit të imigracionit të paligjshëm në ShBA. Përveç kësaj, projektligji synon rritjen buxhetit të mbrojtjes me 150 miliardë dollarë. 80 për qind e të anketuarve e kundërshtojnë këtë ashpër, duke u frikësuar se ngritja e shpenzimeve të mbrojtjes do të intensifikojë garën globale të armatimeve dhe do të kërcënojë seriozisht paqen botërore.
Që nga paraqitja e projektligjit, ndarja e skajme dypartiake rreth tij ka arritur përmasa të reja. 85.7 për qind e pjesëmarrësve në sondazh vunë në dukje se projektligji ka thelluar ndarjet ndërmjet partive amerikane e brenda vetë qeverisë, duke shpërfaqur të metat e “demokracisë amerikane.” 92.3 për qind të tjerë besojnë që projektligji nuk zgjidh problemet afatgjata të Amerikës, por, përkundrazi, përkeqëson gjendjen e paqëndrueshme të vendit. 86.3 për qind mendojnë që projektligji do të rritë pakënaqësinë publike me administratën e Trump-it, duke i mbajtur shifrat e miratimit të saj të ulëta për të ardhmen e parashikueshme./cgtn
