Më 8 dhjetor, falë anijeve kontejner që përfunduan operacionet e ngarkim – shkarkimit në Portin Qingdao, porti i katërt më i madh në botë, kapaciteti kumulativ vjetor i ngarkesave tejkaloi vlerën 700 milionë ton, 15 ditë më herët se vitin e kaluar. Një zyrtar nga Porti Qingdao tha për CMG se ky sukses i atribuohet optimizimit të vazhdueshëm të ndërtimit të terminaleve inteligjentë nga porti, por edhe zgjerimit aktiv të rrjetit të partnerëve dhe rrugëve të transportit detar. Që nga fillimi i vitit, Porti Qingdao ka thyer 13 herë rekordet botërore për efikasitetin e ngarkimit – shkarkimit të automatizuar të terminalit.
Ky është një ilustrim i gjallë i tregtisë së jashtme të Kinës. Në të njëjtën ditë, të dhënat zyrtare kineze treguan se në 11 muajt e parë, vlera totale e import – eksportit të mallrave të Kinës arriti në 41.21 trilion juanë, një rritje prej 3.6% krahasuar me të njëjtën periudhë një vit më parë. Vetëm në nëntor, vlera totale e importit dhe eksportit të mallrave u rrit me 4.1%, krahasuar me të njëjtën periudhë të vitit të kaluar, duke ruajtur rritjen për të dhjetin muaj radhazi.
Lu Yue, Dekan Ekzekutiv i Institutit për Inovacion dhe Qeverisje Globale në Universitetin e Biznesit dhe Ekonomisë Ndërkombëtare, tha për CMG-në se në sfondin e rimëkëmbjes së pamjaftueshme ekonomike globale, optimizimi i vazhdueshëm i strukturës së tregtisë së jashtme të Kinës, si dhe lirimi i qëndrueshëm i faktorëve të rinj të rritjes, demonstrojnë një qëndrueshmëri të fortë, duke ofruar një dritare të rëndësishme për botën e jashtme për të vëzhguar ekonominë kineze.
E përballur me një mjedis ndërkombëtar kompleks dhe të paqëndrueshëm, këtë vit Kina ka zbatuar politika makroekonomike më proaktive dhe më efektive, duke ofruar një performancë ekonomike të përgjithshme të qëndrueshme dhe progresive. Mediat ndërkombëtare e kanë përshkruar ekonominë kineze si “një anije gjigante që vazhdon të lundrojë përpara mes valëve të trazuara”. Përmes dritares së tregtisë së jashtme, nuk është e vështirë të shihet se kjo “anije gjigante” shfaq tre karakteristika të dallueshme: qëndrueshmëri, progres dhe fortësi.
Në këto kohëra të trazuara, qëndrueshmëria e ekonomisë kineze ka lënë një përshtypje të thellë në botë. Në 11 muajt e parë të vitit, importet dhe eksportet e Kinës në tregjet e ndryshme si ASEAN, BE, Afrika dhe Amerika Latine, shënuan rritje. Ndërkohë, importet dhe eksportet nga kompanitë private dhe ato me investime të huaja u rritën gjithashtu, duke treguar vitalitetin në përmirësim të vazhdueshëm të subjekteve kineze, si dhe duke konsoliduar më tej pozicionin e Kinës si një “spirancë stabilizuese” për tregtinë globale.
Nëse shohim treguesit kryesorë makroekonomikë, PBB e Kinës u rrit me 5.2% nga viti në vit në tre tremujorët e parë, duke u renditur ndër ekonomitë kryesore në nivel global; punësimi dhe çmimet mbetën përgjithësisht të qëndrueshme. Po ashtu edhe bilanci i pagesave ndërkombëtare ishte praktikisht i balancuar. Të gjitha këto tregojnë se funksionimi i qëndrueshëm i ekonomisë kineze nuk ka ndryshuar, ndaj objektivat kryesore vjetore për zhvillimin ekonomik dhe social gjatë do të arrihen me sukses.
“Anija gjigante” vazhdon të ecë përpara duke u mbështetur në vrullin e “progresit”. Në 11 muajt e parë të vitit, struktura e produkteve të tregtisë së jashtme të Kinës vazhdoi të optimizohej. Nxitësit e rinj të eksportit treguan një vrull të mirë rritjeje. Eksportet e produkteve elektromekanike, përfshirë tre artikujt e rinj, automjetet me energji të re, bateritë e litiumit, produktet fotovoltaike si dhe anijet, u rritën me 8.8%. Në të njëjtën kohë, rritja e importeve të pajisjeve prodhuese dhe komponentëve kryesorë, tregon se rritja e tregtisë së jashtme të Kinës nxitet gjithnjë e më shumë nga përmirësimi strukturor dhe përmirësimi i aftësive prodhuese, me përmbajtjen “e re” të tregtisë që rritet vazhdimisht.
Në kontekstin ndërkombëtar, fortësia e ekonomisë kineze bëhet edhe më e dukshme. Këtë vit, rritja ekonomike globale është penguar nga vrulli i pamjaftueshëm dhe proteksionizmi tregtar. Në këtë sfond, tregtia e jashtme e Kinës kundërshtoi prirjen, duke u rritur në 11 muajt e parë. Vetëm në tremujorin e tretë, prodhimi i përgjithshëm ekonomik i Kinës tejkaloi atë të Gjermanisë, ekonomisë së tretë më të madhe në botë në vitin 2024, duke u bërë motori më i qëndrueshëm dhe më i besueshëm i rritjes ekonomike globale.
Foto nga VCG
Në thelb, kjo pasqyron logjikën e thellë të brendshme pas zhvillimit ekonomik afatgjatë dhe të qëndrueshëm të Kinës: efektet sinergjike dhe të integruara të faktorëve të shumtë, duke përfshirë avantazhet sistematike, avantazhet e ofertës, avantazhet e kërkesës dhe avantazhet e talentit, duke formuar një forcë të fuqishme.
Kohët e fundit, disa institucione ndërkombëtare kanë rritur parashikimet e tyre për rritjen ekonomike të Kinës. Për shembull, Organizata për Bashkëpunimin Ekonomik dhe Zhvillimin (OECD) rriti në 5% parashikimin e saj për rritjen ekonomike të Kinës në vitin 2025, duke vënë në dukje se e ka rritur parashikimin e saj tre herë këtë vit për shkak të “fortësisë, transformimit dhe vitalitetit” të Kinës.
Më 8 dhjetor, Byroja Politike e Komitetit Qendror të PKK mbajti një mbledhje, në përmbajtje e të cilës ishte analiza dhe studimi i punës ekonomike për vitin 2026, për të arritur një fillim të mirë të Planit të 15-të Pesëvjeçar.
Më 9 dhjetor, Kina do të organizojë dialogun “1+10” me disa organizata ekonomike ndërkombëtare, për të diskutuar qeverisjen globale dhe zhvillimin global. Bota pret një “listë mundësish” nga Kina dhe gjithashtu pret me padurim bashkëpunimin me përfitime të ndërsjella me Kinën. Siç tha Diaa Helmi, Sekretare e Përgjithshme e Dhomës së Tregtisë Egjipt-Kinë, “Angazhimi i Kinës për hapje në nivel të lartë, ka injektuar një vrull të fortë në prosperitetin global”/CGTN
