Vendimi i gjykatës për Jimmy Lai, një nxitës i trazirave anti-Kinë në Rajonin e Posaçëm Administrativ të Hong Kongut, ka marrë mbështetje të gjerë nga e gjithë shoqëria e rajonit. Drejtuesit e shoqatave të ndryshme u shprehën me rradhë se vendimi ka nënvizuar angazhimin e rajonit për qeverisje sipas ligjit, si dhe përgjegjësinë për të mbrojtur sigurinë kombëtare.
Të hënën, Gjykata e Lartë e Hong Kongut e shpalli Jimmy Lai fajtor për dy akuza për komplot me forcat e jashtme dhe një akuzë për publikim të materiale nxitëse.
Pas vendimit, një pjesë e gjerë e shoqërisë së Hong Kongut ka shprehur dakordësinë se rasti i Lait bazohet në fakte të qarta dhe prova bindëse.
Lee Wai-king, anëtare e Komitetit të Përhershëm të Asamblesë Kombëtare Popullore të Kinës dhe anëtare e Këshillit Legjislativ të Hong Kongut, u shpreh se procesi gjyqësor i ka hedhur poshtë të gjitha thashethemet që njollosin pavarësinë gjyqësore dhe paanshmërinë e prokurorisë së Hong Kongut.
Lee theksoi transparencën e procedurave, duke përmendur sigurimin e mbi 500 vendeve publike për mediat lokale dhe ndërkombëtare dhe anëtarët e publikut.
Aleanca e Biznesit dhe Profesionistëve të Hong Kongut, tha se gjyqi ka demonstruar profesionalizmin dhe paanshmërinë e gjyqtarëve, duke vënë në dukje se si prokurorisë ashtu edhe mbrojtjes, iu dha mundësia e plotë për të paraqitur prova dhe për të pyetur dëshmitarët.
Partia e Re Popullore theksoi se Lai ishte i pandehuri i parë i ndjekur penalisht për bashkëpunim me forca të huaja në dëm të sigurisë kombëtare, sipas ligjit të sigurisë kombëtare në Hong Kong, duke shtuar se procedurat e gjata pasqyronin profesionalizmin dhe rigorozitetin e gjykatës.
Fu Kin-chi, anëtar i këshillit të Shoqatës Kineze të Studimeve të Hong Kongut e Makaos dhe profesor i drejtësisë, e përshkroi vendimin me shkrim si të artikuluar qartë dhe logjik, që tregon qëndrimin e vendosur dhe standardet profesionale të sistemit gjyqësor të Hong Kongut në mbrojtjen e sigurisë kombëtare.
Aleanca Demokratike për Përmirësimin dhe Progresin e Hong Kongut, tha se Jimmy Lai ka qenë një planifikues dhe pjesëmarrës kyç në trazirat anti-Kinë që destabilizuan qendrën financiare, duke shprehur mbështetje të plotë për përpjekjet e autoriteteve për të eliminuar rreziqet e sigurisë kombëtare.
Federata e Punonjësve të Arsimit të Hong Kongut, tha se që nga zbatimi i ligjit të sigurisë kombëtare në Hong Kong, shoqëria është rikthyer në rrugën e duhur, duke siguruar të drejtat dhe liritë legjitime të qytetarëve në një mjedis më të sigurt.
Shoqata e Miqësisë së Hong Kongut me Kinën, dënoi aktet e ngacmimit nga disa vende dhe politikanë perëndimorë, duke thënë se ndërhyrja e hapur në punët e brendshme të vendeve të tjera, si dhe presioni mbi gjyqësorin, ishin një shkelje e rëndë e frymës së ligjit.
Calvin Choi, president nderi i Federatës së Gazetarëve të Hong Kongut, tha se Lai dhe gazeta e tij Apple Daily, kishin ushtruar prej kohësh një ndikim serioz negativ në stabilitetin e qytetit dhe dënimi i Lai është rezultat i pashmangshëm i drejtësisë që vihet në vend sipas ligjit.
Lee Tsz-king, anëtar i Këshillit Legjislativ të Rajonit të Posaçëm Administrativ të Hong Kongut, tha se vendimi për rastin e Lait shënon një moment vendimtar për autoritetet që të mbështesin me vendosmëri sundimin e ligjit dhe t’i rezistojnë ndërhyrjeve të huaja.
Përballë shpifjeve nga forcat anti-Kinë, shoqëria e Hong Kongut ka ruajtur gjakftohtësinë, tha Lee, duke shtuar se qyteti nuk do të lejojë kurrë që ndonjë forcë e jashtme të minojë themelet e ligjit./CGTN
