Kina lëshoi të shtunën një satelit të ri testimi të teknologjisë së komunikimit nga Qendra e Lëshimeve Hapësinore Wenchang në provincën Hainan të Kinës Jugore.
Një raketë “Marshimi i Madh-5” që mbante satelitin, u nis në orën 20:30, duke e dërguar atë në orbitën e paracaktuar.
Sateliti, i zhvilluar nga Akademia e Teknologjisë Hapësinore e Kinës, do të përdoret kryesisht për testet e vlefshmërisë së teknologjisë së komunikimit me shumë banda dhe me shpejtësi të lartë.
Raketa “Marshimi i Madh-5”, e zhvilluar nga Akademia e Teknologjisë së Raketave Mbartëse e Kinës, është një mjet lëshimi me shtytës të lëngshëm. Ajo përdor një kapak me diametër prej 5.2 metrash dhe lartësi 18.5 metra. Kjo formë mund të përshtatet më mirë me nevojat e zhvillimit të platformave të mëdha satelitore të Kinës dhe të rrisë më tej aftësinë e raketës për të kryer misione të larmishme.
Lëshimi ishte misioni i 618-të i fluturimit i serisë së raketave mbartëse “Marshimi i Madh”.
foto nga Xinhua
foto nga Xinhua
foto nga Xinhua
foto nga Xinhua
/CGTN
