I organizuar nga Bordi i Turizmit i Hong-Kongut (HKTB), Festivali “Wine & Dine” i Hong-Kongut 2026 u hap më 29 tetor. Aktiviteti bashkon ushqime dhe verëra nga më shumë se 30 vende e rajone, duke u ofruar vendasve dhe vizitorëve një mundësi të shkëlqyer për të provuar shije nga e gjithë bota.
Festivali i këtij viti, me temën “Shijoni më të mirat e botës”, prezanton për herë të parë shërbimin e turit të drejtuar nga ekspertë për degustimin e verërave. Klientët mund të kenë mundësi për të mësuar njohuri, si për shembull, si të zgjidhen verërat me ushqim etj.
Festivali përfshin gjithashtu më shumë se 20 masterklasa dhe sesione degustimi, ku profesionistët përkatës ndajnë përvojën e tyre, karakteristikat unike të rajoneve të ndryshme prodhuese të verës, nuancat e aromës e shijes dhe historitë prapa pijeve të rafinuara.
Foto nga HKCNA
Foto nga HKCNA
Në ceremoninë e hapjes, Rosanna Law, Sekretare për Kulturën, Sportet dhe Turizmin e qeverisë së Rajonit të Posaçëm Administrativ të Hong-Kongut, theksoi se në aktivitet, vizitorët mund të shijojnë delikatesa të nivelit të lartë përgjatë bregut të portit “Victoria”, duke përjetuar njëkohësisht hijeshinë unike të Hong-Kongut si një kryeqendër kulinarie. Ajo shtoi se qeveria rajonale është e përkushtuar ndaj nxitjes së ekonomisë së eventeve, dhe në të ardhmen, do të vazhdojë të integrojë më shumë aktivitete përkatëse me promovimin e turizmit, për të rritur më tej forcën tërheqëse të Hong-Kongut.
Përveç ofertave ndërkombëtare, festivali prezanton edhe një sërë restorantesh vendase me traditë të gjatë, duke tërhequr shumë banorë e turistë që ndalen për të provuar ushqime karakteristike.-cgtn
