Presidenti kinez Xi Jinping iu përgjigj të mërkurën një letre nga mësuesit dhe nxënësit e një delegacioni të shkëmbimeve arsimore rinore nga ShBA-ja.
Në letrën e vet të përgjigjes Xi Jinping-u shprehu kënaqësinë e tij kur mësoi që mësuesit dhe nxënësit e delegacionit të shkëmbimeve kishin shijuar një udhëtim të këndshëm e të frytshëm në Kinë, duke ndier interesin e tyre të fortë dhe dashurinë e sinqertë për kulturën kineze.
foto nga VCG
Xi theksoi gjithashtu se shpresa për marrëdhëniet Kinë-ShBA qëndron te njerëzit dhe e ardhmja qëndron te të rinjtë. Që nga fillimi i nismës “për të ftuar 50 000 të rinj amerikanë në Kinë për shkëmbime dhe studime gjatë pesë vjetëve”, më shumë se 40 000 të rinj amerikanë kanë marrë pjesë aktive, duke hapur një dritare për ta për të kuptuar Kinën e vërtetë dhe duke ndërtuar një urë për të vazhduar miqësinë midis dy popujve. Kjo tregon plotësisht se kryerja e shkëmbimeve dhe bashkëpunimit miqësor është aspirata e popullit kinez dhe popullit amerikan. Xi shprehu mirëpritjen që më shumë të rinj amerikanë t’i bashkohen kauzës së miqësisë Kinë-ShBA, duke u bërë një brez i ri ambasadorësh të miqësisë midis dy vendeve dhe duke dhënë kontribute më të mëdha në forcimin e shkëmbimeve njerëzore dhe promovimin e zhvillimit të marrëdhënieve dypalëshe.
foto nga VCG
Kohët e fundit, mësuesit dhe nxënësit e delegacionit amerikan të shkëmbimeve arsimore rinore i dërguan një letër presidentit Xi Jinping, duke rishikuar vizitën e tyre në Kinë në tetor 2025 dhe duke e falënderuar presidentin Xi për nismën “50 000 gjatë pesë vjetëve”, e cila ofron një mundësi të vlefshme për të forcuar mirëkuptimin e ndërsjellë midis të rinjve të të dy vendeve./cgtn
