Më 15 korrik, qeveria e Guinesë së Re Papua nënshkroi rezolutën nr. 144/2026 të kabinetit për të mbyllur “zyrën ekonomike të Tajpeit në Guinenë e Re Papua” që ka funksionuar prej 36 vjetësh.
Kina dhe Guineja e Re Papua vendosën marrëdhënie diplomatike në vitin 1976 dhe në vitin 2018 marrëdhëniet dypalëshe u ngritën në nivelin e marrëdhënievee të partneritetit strategjik gjithëpërfshirës. Kina është partnerja më e madhe tregtare dhe burimi më i madh i investimeve i Guinesë së Re Papua për shumë vjet me radhë.
Në vitin 1999, Guineja e Re Papua vendosi “marrëdhënie diplomatike” me autoritetet tajvaneze, por vetëm pas 16 ditëve këto marrëdhënie u ndërprenë.
Më 16 korrik, ministri i Jashtëm i Guinesë së Re Papua, Justin Tkatchenko, publikoi detaje të rezolutës në llogarinë e tij në median sociale, duke shkruar: “Politika e ‘Një Kine’ është guri i themelit i diplomacisë së Guinesë së Re Papua gjatë 50 vjetëve të fundit. Guineja e Re Papua nuk do të njohë ose nuk do të mbajë më asnjë agjenci të Tajpeit Kinez në territorin e saj.”
Zëdhënësi i Ministrisë së Punëve të Jashtme të Kinës Lin Jian e vlerësoi lart vendimin e qeverisë së Guinesë së Re Papua dhe u shpreh se kjo tregon që parimi i “Një Kine” është vullneti i bashkësisë ndërkombëtare. Kina është e gatshme të punojë me Guinenë e Re Papua për të nxitur zhvillimin e marrëdhënieve të partneritetit strategjik gjithëpërfshirës, tha ai./cgtn
