Të premten u mbajt në Akra të Ganës sesioni i posaçëm i dialogut global “Qeverisja e Kinës dhe zhvillimi botëror”, i organizuar bashkërisht nga Grupi Mediatik i Kinës (CMG) dhe ambasada e Kinës në Ganë. Drejtori i përgjithshëm i Grupit Mediatik të Kinës Shen Haixiong mbajti një videofjalim.
Në aktivitet morën pjesë dhe mbajtën fjalime ambasadori i Kinës në Ganë Cong Song, ministrja e Turizmit, Kulturës dhe Arteve Krijuese e Ganës Abla Dzifa Gomashie, nënkryetari kombëtar i Kongresit Kombëtar Demokratik (NDC) të Ganës Halid Abdul Rauf, drejtori i përgjithshëm i Korporatës së Transmetimeve të Ganës (GBC) Amin Alhassan, drejtori i Institutit të Çështjeve Ekonomike (IEA) Charles Mensa, si edhe sekretari i përgjithshëm i Lëvizjes Socialiste të Ganës Kwesi Pratt.
Rreth 150 të ftuar nga qarqet politike, akademike, mediatike dhe organizatat e miqësisë të Ganës zhvilluan diskutime mbi përvojat e vlefshme që mund t’u ofrojë qeverisja e Kinës vendeve në zhvillim.
Foto nga CMG
Në fjalimin e tij, Shen Haixiong u shpreh se plenumi i pestë i Komitetit Qendror të 20-të të Partisë Komuniste të Kinës (PKK), i cili tërhoqi vëmendjen e gjerë të botës, shqyrtoi rrugëtimin e Partisë gjatë më shumë se 100 vjetëve të fundit. Plenumi vuri në dukje se PKK-ja ka gjetur dy përgjigje për kapërcimin e ciklit historik të ngritjes dhe rënies së pushteteve: mbikëqyrjen e qeverisë nga populli dhe vetëreformimin e Partisë.
Ai theksoi se bota po përjeton ndryshime të mëdha dhe të shpejta, ndërsa njerëzimi ndodhet sërish përballë zgjedhjeve vendimtare për të ardhmen. Në këtë kontekst, plenumi i pestë i Komitetit Qendror të 20-të të PKK-së ofron përvoja të vlefshme për ndërtimin e partive politike dhe përmirësimin e qeverisjes kombëtare dhe asaj globale, duke kontribuar me ide dhe vlera të rëndësishme për një botë që përballet me pasiguri dhe sfida të shumta.
Shen shtoi që CMG-ja do të vazhdojë të forcojë shkëmbimet dhe mësimin e ndërsjellë me partnerët në mbarë botën, të ndajë përvojat e qeverisjes, të shfrytëzojë së bashku mundësitë e zhvillimit dhe të kontribuojë në ndërtimin e një të ardhmeje më të mirë për njerëzimin.
Foto nga CMG
Ambasadori i Kinës në Ganë Cong Song u shpreh se përvoja e zhvillimit të shpejtë dhe afatgjatë të Kinës mbështetet në udhëheqjen e Partisë Komuniste të Kinës dhe në qeverisjen e plotë dhe të rreptë të Partisë. PKK-ja punon jo vetëm për mirëqenien e popullit kinez dhe ripërtëritjen e kombit kinez, por edhe për përparimin e njerëzimit dhe ndërtimin e një bote më harmonike.
Ai tha se miqësia Kinë-Ganë ka rrënjë të thella historike dhe bashkëpunimi mes dy vendeve ka perspektiva të gjera zhvillimi. Ambasadori shprehu shpresën që më shumë përfaqësues të qarqeve të ndryshme të Ganës do të njihen me përvojën e ndërtimit të PKK-së, për të kuptuar më mirë faktorët e suksesit të qeverisjes kineze. Ai i ftoi ata të kontribuojnë në vazhdimësinë e miqësisë dypalëshe, nxitjen e bashkëpunimit praktik dhe forcimin e lidhjeve mes dy popujve, për të krijuar së bashku një të ardhme më të mirë për marrëdhëniet Kinë-Ganë.
Foto nga CMG
Nga ana e saj, ministrja e Turizmit, Kulturës dhe Arteve Krijuese e Ganës, Abla Dzifa Gomashie, u shpreh që përvoja e suksesshme e zhvillimit të Kinës ka treguar se planifikimi afatmesëm dhe afatgjatë është një mënyrë efektive për të drejtuar zhvillimin ekonomik e shoqëror. Bota po përballet me sfida të ndërlikuara ekonomike, politike, shoqërore e mjedisore, ndaj zhvillimi i këtij dialogu mbi qeverisjen e Kinës dhe zhvillimin botëror është veçanërisht i rëndësishëm dhe në kohën e duhur. Dialogu krijon një platformë të rëndësishme për të kuptuar më mirë lidhjen mes qëndrueshmërisë institucionale, qeverisjes efektive dhe prosperitetit të qëndrueshëm, duke hapur gjithashtu mundësi të reja për thellimin e bashkëpunimit mes Ganës e Kinës në qeverisjen kombëtare, zhvillimin ekonomik dhe shkëmbimet kulturore e njerëzore.
Foto nga CMG
Gjatë diskutimeve, të ftuarit shkëmbyen mendime mbi përvojën e Kinës në qeverisjen kombëtare, perspektivat e bashkëpunimit Afrikë-Kinë, si edhe shkëmbimet dhe mësimin e ndërsjellë mes qytetërimeve.
Pjesëmarrësit vlerësuan rëndësinë e plenumit të pestë të Komitetit Qendror të 20-të të PKK-së, duke theksuar se ai pasqyron gatishmërinë e Partisë Komuniste të Kinës për vetëreformim dhe vendosmërinë e saj për të vazhduar qeverisjen e plotë dhe të rreptë të Partisë.
Foto nga CMG
Sipas tyre, kjo përvojë jo vetëm ofron ide të vlefshme për vendet e tjera në forcimin e partive politike dhe përmirësimin e qeverisjes kombëtare, por shërben edhe si referencë për vendet në zhvillim që kërkojnë rrugë zhvillimi të përshtatshme për kushtet e tyre.
Gjatë aktivitetit u shfaqën gjithashtu programe të prodhuara nga Grupi Mediatik i Kinës..cgtn
