Tërmetet që tronditen sot Shqipërine kanë vënë në lëvizje të gjitha institucionet qeveritare në vend. I menjëhershëm ka qenë reagimi i Presidentit Meta i cili zgjodhi të shkonte në Durrës ,aty ku ishte dhe epiqendra e tërmeteve me magnitute 5.7 ballë.
Ndërsa Kryeministri Rama ka anulluar udhëtimin e tij në New York ku do të merrte pjesë në Asamblenë e Përgjithshme të OKB. Sapo të mbërrije në vend pritet mbledhja e jashtëzakonshme e qeverisë .
Rreth orë 17:30 Meta zhvilloi një takime me prefektin Roland Nasto, për t’u njohur në detaje me pasojat që shkaktoi tërmeti.
Pas përfundimit të takimit, Meta tha se duhet të jemi në gatishmëri për t’u përballur me situatën, ndërsa shtoi se strukturat përgjegjëse të punojnë me efikasitet.
“U njoha nga Prefekti dhe nga Shtabi i emergjencave me punë që ata po bëjnë në terren dhe është e rëndësishme të merren masa për të verifikuar pasojat që mund të kemi edhe për të ardhmen, sidomos për banesat që mund të jenë dëmtuar dhe mund të jenë problematike për t’u banuar. Mendoj që jemi në kushtet e një vigjilence të vazhdueshme pasi jetojmë në një rajon problematik dhe është e rëndësishme të jemi në bashkëpunim të vazhdueshëm me vendet fqinje, në mënyrë që të jemi të përgatitur për ç’do situatë. Tani është koha për të qenë gjithmonë të vëmendshëm dhe është e rëndësishme të punohet me efikasitet nga të gjitha strukturat”, tha Meta
Kryeministri Edi Rama anullon udhetimin per Neë York ku do të merrte pjesë në OKB. Rama ndodhet ne Frankfurt dhe pritet te kthehet ne oret ne vazhdim ne Tirane.
Ndërkohë Kryeministri Edi Rama ka folur ne telefon me kryeministrin italian Giuseppe Conte, i cili i ka shprehur solidaritetin e plote te Italise dhe gatishmerine per te mbeshtetur Shqiperine ne perballimin me pasojat e termetit te rende qe ra mbi vendin tone.
argumentum.al
