Maqedonia e Veriut nën kthetrat e Covid-19/ 9 viktima dhe 193 raste të reja në 24 orët e fundit

Në Maqedoninë e veriut po rritet numri i testimeve për virusin Kovid-19, por njëkohësisht po rritet edhe numri i të prekurëve.

Sipas të dhënave të Ministrisë së Shëndetësisë, gjatë 24 orëve të fundit nga 1391 testime të realizuara 193 kanë rezultuar pozitiv me koronavirus. Numri më i madh i të prekurëve vijon në Shkup, edhe ate 140, më pas vijon Tetova me 19 raste.

Pas Tetovës radhiten Ohri me 11 raste, Shtipi me 6 raste, Struga me 5 raste, Gostivari me 4 raste, ndërsa më pak raste në Kumanovë vetëm 2, Veles, Resnjë poashtu nga 2 raste si dhe në Dibër, Shën Nikollë nga 1 rast.

Instituti i Shëndetit Publik ka regjistruar 46 pacientë të shëruar brenda 24 orëve. Shkup 35, Kumanovë 1, Shtip 6, Tetovë 1, Strugë 1, Gostivar 1, Vallandovë 1.

Gjatë 24 orëve të fundit kanë ndërruar jetë edhe 9 pacientë me koronavirus. 5 viktima nga Shkupi, dy nga Kumanova, një nga Tetova dhe një nga Ohri

Numri i përgjithshëm i pacientëve të diagnostifikuar me Covid-19 në vendin tonë shkon në 4482, prej të cilëve 1803 janë shëruar kurse 210 pacientë kanë ndërruar jetë si pasojë e Covid-19 në disa raste të shoqëruara me sëmundje tjera. Për momentin në vendin tonë ka 2469 raste aktive me koronavirus. Gjithsej nga fillimi i pandemisë janë realizuar 44.82 testime për Covid-19.