Më 4 gusht 2020, Ministri i Financave dhe Ekonomisë Znj. Anila Denaj nënshkroi me Bankën Gjermane për Zhvillim KfW një marrëveshje granti për kryerjen e studimeve të fizibilitetit për sektorin e mbetjeve të ngurta në Shqipëri me një shumë prej 1.8 milionë eurosh. Fondet për kryerjen e këtyre studimeve janë dhënë nga qeveria Gjermane. Menaxhimi i mbetjeve të ngurta është një fushë e rëndësishme brenda sektorit kyç të infrastrukturës bashkiake.
Me mbështetjen e qeverisë Gjermane, përmes KfW-së është përgatitur një masterplan investimesh për sektorin e menaxhimit të mbetjeve të ngurta, i cili është aprovuar nga Këshilli Kombëtar i Territorit në janar të 2019. Studimi do të sigurojë përgatitjen e detajuar të masave të investimeve dhe modeleve të zhvillimit për vënien në punë dhe mirëmbajtjen në mënyrë të qëndrueshme të infrastrukturës, kjo në linjë me standartet e Bashkimit Evropian. Studimi do të pergatiet në bashkëpunim të ngushtë me dy studime të financuara nga Korniza e Investimeve në Ballkanin Perëndimor (WBIF) si edhe me asistencën e dhënë nga Agencia Zvicerjane për Bashkëpunimin Ekonomik dhe Zhvillim (SECO) për të strukturuar sëbashku një plan investimesh për të gjithë sektorin.
Qeveria Shqiptare dhe ajo Gjermane kanë rënë dakord tashmë mbi një Program Investimesh në shumën e 62 milionë eurove për t’a transformuar sëbashku sektorin e menaxhimit të mbetjeve të ngurta drejt kërkesave të Bashkimit Evropjan. Bashkëpunimi financiar Gjermani-Shqipëri ka dhënë tashmë mbështetjen e tij për ndërtimin e landfill-it sanitar në Maliq të Korçës si edhe po financon ndërtimin e një landfill-i sanitar dhe ngritjen e sistemit të mbledhjes së mbetjeve për rajonin e Vlorës.
KfW është një bankat për zhvillim lider në botë. Me eksperiencën e saj shumë-vjeçare KfW është e angazhuar që në emër të Republikës Federale Gjernane të përmirësojë kushtet ekonomike, sociale, ekologjike si edhe kushtet e jetesës në mbarë botën. Në Shqipëri, KfW zbaton bashkëpunimin financiar dhe siguron grante dhe kredi të buta për investime kyce në infrastrukturë dhe shërbime konsulence që lidhen me projekte të ndryshme.
Bashkëpunimi Gjermano-Shqiptar filloi në vitin 1988. Që nga ai vit Qeveria Gjermane ka angazhuar një shume totale prej mbi një miliard euro duke mbështetur Shqipërinë në sektorë kyç si energjia, insfrastruktura bashkiake dhe zhvillimi i qëndrueshëm ekonomik
© Argumentum
