Lideri i BDI-së Ali Ahmeti cakton axhendën e takimit për nesër më 13 gusht, pavaresisht se ende nuk është konfirmuar nga të gjitha partitë politike shqiptare pjesmarrja e tyre.
Ja Agjenda e propozuar nga BDI
AGJENDË
TRYEZA E PËRBASHKËT E
PARTIVE PARLAMENTARE SHQIPTARE NË
REPUBLIKËN E MAQEDONISË SË VERIUT
13 gusht 2020, Shkup
Të nderuar drejtues të:
Koalicionit “Tash është koha” – Aleanca për shqiptarët dhe Alternativa,
Ziadin Sela dhe z.Afrim Gashi
Lëvizjes Besa,
Bilall Kasami
Partisë Demokratike Shqiptare,
Menduh Thaçi
Në përputhje me Deklaratën e Përbashkët të partive parlamentare shqiptare nga 7 janari i vitit 2017 dhe takimet vijuese të partive tona politike si dhe të zotimit tonë për dakordësi për përkrahje të ndërsjellë të agjendës së përbashkët politike që parashikon realizimin e objektivave që vijojnë, në mandatin e ardhshëm qeverisës dhe/ose në çdo mandat tjetër pasues, për takimin e ditës së enjte, më 13 gusht 2020, me fillim në ora 12:00, ju propozojmë agjendën vijuese:
Statusi i realizimit të përcaktimeve nga Deklarata e Përbashkët në mandatin e kaluar
Vlerësim i zgjedhjeve të parakohëshme parlamentare të 15 korrikut 2020
Krijimi i Këshillit ndërpartiak në përputhje me Deklaratën e Përbashkët dhe përcaktimi i afateve për realizimin e objektivave të përbashkëta
Të ndryshme
Agjenda mund të plotësohet dhe ndryshohet me propozim të pjesëmarrësve të Tryezës së Përbashkët.
Propozojmë formatin vijues për pjesëmarrje: Kryetar plus dy bashkëpunëtor.
Me respekt,
Ali Ahmeti
Kryetar
Bashkimi Demokratik për Integrim
© Argumentum
