Kryetari i PD Sali Berisha një ditë para mbajtjes së protestës së thirrur njëkohësisht me samitin e BE në Tiranë, është shprehur i vendosur dhe i palëkundur se ajo do të mbahet në bulevardin “Dëshmorët e Kombit”, edhe pse policia e ka quajtur “zonë të kuqe”.
“Ne jemi në një betejë me armikun e egër të votës së shqiptarëve Edi Rama, të mblidhemi për t’i dëshmuar lidershipit evropian se njeriu që qendron si përfaqësuesi i Shqipërisë në atë samit e ka pushtetin e karrigen të ngritur mbi dhunimin e votës së shqiptarëve, e ka të ngritur mbi drogën, trafiqet, narkoshtetin që ka ndërtuar në Shqipëri, e ka mbi vjedhjet e mëdha të paimagjinueshme për një vend evropian që u bën qytetarëve shqiptarë.
Ai aty ulet si kryeministër por edhe si kryehajduti i Shqipërisë gjithashtu.
Hajduti i parë i Shqipërisë do jetë Edi Rama nesër në atë samit.
Me praninë tuaj të dashur qytetarë në Bulevardin Dëshmorët e Kombit ju i dilni Zot në mënyrën më të vendosur këtji vendi e këtij kombi në rrezik ekzistencial.
Fjala e plotë e Berishës:
Në aktin e mbështetjes më të madhe të vlerave europiane, ky samit përbën mbështetjen më të fuqishme për PD dhe popullin opozitar, për faktin e vetme se kjo parti pas përmbysjes së diktaturës ourelliane, baballarëve të Edi Ramës, aktualisht e shndërruar në një parti droge dhe krimi, partia e tij e kam fjalën.
Vendosi në Shqipëri rendin e ri demokratk, të bazuar në vlerat europiane. Është kjo parti, e cila në tri dekada qendroi lokomotivë e vërtetë e proceseve e integrimit të Shqipërisë në BE dhe në NATO. Samiti është një mbështetje e madhe për demokratët shqiptarë, sepse kur kjo ishte në qeveri, e cila firmosi marrëveshjen e stabilizim asociomit, e cila liberalizoi vizat me sukses në reformat e saj. Mori rekomandimin për statusin e vendit kandidat. Në këtë aspekt në historinë e kësaj force politike, samiti i nesërm përbën mbështetjen më të madhe për aspiratat, idealet demokratike të saj.
Por, nesër ne, populli opozitar, do të mbushë rrugët dhe sheshet e Tiranës në një shenjë proteste. Në një protestë të fuqishme, pikërisht në mbrojtje të vlerave europiane tmerrësisht të rrezikuara dhe të të kërcënuara nga Edi Rama dhe regjimi i tij. Çdo shqiptar që e do këtë vend, që e do lirinë, dinjitetin njerëzor, të ardhmen e tij dhe të fëmijëve të tij në liri, dhe që beson se kushti i të gjitha kushteve është vota, bashkohet nesër në shesh me ne për t’i dëshmuar lidershipit europian se ne jemi në një betejë me armikun e egër të votës së shqiptarëve, Edi Rama. Për t’i dëshmuar lidershipi europian se njeriu që qendron si përfaqësuesi i Shqipërisë në atë samit e ka pushteitn dhe karrigen të ngritur mbi dhunimin e votës së shqiptarëve. E ka pushtetin dhe karrigen të ngritur mbi drogën, trafiqet, mbi narko-shtetin që ka ndërtuar në Shqipëri.
E ka pushtetin dhe karrigen e tij të ngritur mbi vjedhjet e mëdha, të paimagjinueshme për një vend europian që u bën qytetarëve shqiptarë. Është e vërtetë që ai aty ulet si Kryeministri i Shqipërisë, por është e vërtetë se ai ulet si kryehajduti i Shqipërisë, gjithashtu.
The Prime Thief of Albania / Hajduti i Parë i Shqipërisë, do të jetë Edi Rama në atë samit. Kjo është e vërteta.
Në praninë tuaj të dashur qytetarë dhe qytetare, në bulevardin ‘Dëshmorët e Kombit’, ju pra i dilni zot në mënyrën më të vendosur këtij vendi dhe këtij kombi në rrezik ekzistencial. Ne jemi në një fatkeqësi të madhe. Me një person si ky në karrigen e kryeministrit. Të paktën t’ia përcjellim këtë shqetësim mbarë opinionit publik evropian dhe botëror. Nesër është dita e qytetarëve që aspirojnë për liri, dinjitet dhe transparencë. Është dita e shqiptarëve që besojnë se Shqipëria është një tokë e bekuar, që me mirësitë dhe rezervat e saj, mund të begatojë kombin. Me kushtin e vetëm, të ketë një qeverisje demokratike. Me kushtin e vetëm të ketë një qeveri të palidhur me krimin, siç është qeveria e Edi Ramës.
Të dashur qytetarë dhe qytetare!
Ju keni konstatuar këto ditë, se si këta bosë të mafias shqiptare, ballkanike dhe evropiane, janë tronditur gjer në palcë nga vendosmëria e opozitës për të dalë në protestë. Sesi këta, përpiqen të përdorin samitin për të shtypur dhe mohuar të drejtën kushtetuese për të protestuar. Sesi këta përpiqen të shtrigëzojnë një protestë e cila po thirret, po mblidhet, për të mbrojtur dinjitetin e Shqipërisë dhe shqiptarëve.
Sesi këta janë tmerruar nga protesta, e cila do i dëshmojë lidershipit europian, se Edi Rama është njeriu i dhunimit të votës, i lidhjeve të krimit, me vjedhjet e papërmbajtura. Ai i ka shndërruar shqiptarët sërish në ‘boat people’, në njerëz të varkave.
Të dashur opozitarë dhe opozitare, nesër më shumë se kurrë, ne do të duhet bëjmë gjithçka për të mbushur bulevardin e Tiranës.
Është një rast i artë, është një detyrim madhor politik, moral, ligjor dhe i gjithanshëm, që ne të bëjmë prezent përpara botës, realitetin dhe rrezikun ekzistencial që kërcënon kombin shqiptar.
Unë e di, që ata që mblidhen nesër, sigurisht nuk mund të garantojnë votën tonë të lirë, por të paktën ta dinë se njeriu që kanë karshi tyre, e ka karrigen e kalbur mbi votat e rrëmbyera të shqiptarëve.
Unë e di se ata që mblidhen nesër, nuk mund të na shpëtojnë nga vjedhjet e fondeve publike dhe pasurive publike, por të paktën duhet ta dinë që kur t’i japin dorën atij, të kontrollojnë xhepat, sepse ai siç thonë rëndomë shqiptarët, ose të merr, ose të le diçka në xhep.
Ai është në fakt kryehajduti i shqiptarëve, i të gjitha kohërave. Unë e di se ata që mblidhen nesër në Tiranë, me gjithë kontributin e tyre substancial në luftën kundër krimit. Mos harroni se nëse Saimir Tahiri është aty ku e meriton, është falë anti-mafias italiane. Por sërish, askush nuk do të vijë të na çlirojë ne nga narkoshteti, ne dhe vetëm ne jemi ata që do çlirohemi prej tij, por jetike është t’u dëshmojmë lidershipit europian se njeriu që qëndron në tavolinë në emër të shqiptarëve, është një Noriegë me atlete të kuqe Adidas. Do të ishte e pafalshme para historisë, para vete, para fëmijëve tanë, para të ardhmes sonë, para dinjitetit tonë, nëse ne nesër nuk do të jemi të gjithë në protestën më të madhe, më madhështore që Shqipëria ka njohur në historinë e saj. Faleminderit!
/Argumentum.al
