Qeveria e Serbisë planifikon të rihapë Aeroportin Nikolla Tesla në Beograd për fluturime tregtare që nga 18 maji, tha ministrja e Infrastrukturës, Zorana Mihajloviç.
Kompania kombëtare ajrore Air Serbia do të kryejë fluturime nga Beogradi në Londër, Frankfurt, Vjenë dhe Zyrih, duke nisur nga data 18 maj, tha Mihajlovic në një njoftim për shtyp.
Asnjë nga punonjësit në aeroportet në Beograd dhe Nish nuk është prekur nga koronavirusi (COVID-19), gjë që tregon se administratat e aeroporteve janë treguar të kujdesshme dhe kanë zbatuar masat mbrojtëse, tha Mihajlovic.
Qeveria mbylli më 19 mars aeroportet në Beograd dhe Nish, për të frenuar përhapjen e koronavirusit. Air Serbia pezulloi të gjitha fluturimet e pasagjerëve më 20 mars.
Hapen kete fundjave plazhet ne Greqi—Plazhet do të hapen këtë fundjavë në Greqi, ndërsa vendi po lehtëson masat kufizuese të vendosura gjatë pandemisë së koronavirusit.
Sidoqoftë, vizitorët do të përballen me masa dhe udhëzime të rrepta, ku nuk do të lejohet muzika apo lojërat sportive ujore. Rregullat e reja janë percaktuar nga Komiteti i Sëmundjeve Infektive në Ministrinë e Shëndetësisë.
Nga ora 8 e mengjesit e së shtunës, plazhet do të jenë në gjendje të hapen për njerëzit. Plazhet të cilat hyrjet i kanë me pagesë do të detyrohen të kufizojnë vizitorët, me vetëm 40 persona për 1.000 mm.
Distanca midis çadrave do të jetë katër metra, ndërsa në një çadër do të lejohen vetëm dy shezllone, përveç rasteve kur janë anëtarë të së njëjtës familje.
Shezllonet dhe vendi i çadrave duhet të dezinfektohet sa herë që ndërrohen pushuesit.
Kafenetë dhe baret e plazhit mund të shërbejnë vetëm ushqim dhe pije për ta marrë me vete, pa tavolina ose shërbim tavoline dhe çdo gjë alkoolike është e ndaluar.
Po ashtu ndalohet edhe çdo sport që kërkon kontakt e skuadër.
