Kryeministri britanik Boris Johnson ka thënë se do të largohet. Johnson ka njoftuar dorëheqjen e tij pas një rebelimi partiak që shkaktoi dorëheqjen e disa zyrtarëve të nivelit të lartë.
Boris Johnson thotë se ai ka emëruar kabinetin e ri ndërsa ai mbetet si kryeministër i Mbretërisë së Bashkuar derisa të zgjidhet një pasardhës.
“Procesi i zgjedhjes së udhëheqësit të ri duhet të fillojë tani,” tha Johnson në derën e Downing Street Numri 10.
“Dhe sot kam emëruar një kabinet për të shërbyer, siç do të bëj, derisa të jetë një udhëheqës i ri.”
“Procesi i zgjedhjes së liderit të ri duhet të fillojë tani. Dhe sot kam emëruar një kabinet për të shërbyer, ashtu siç do të bëj derisa të vendoset një udhëheqës i ri,” tha Johnson.
Johnson tha se ishte “e dhimbshme” për të që të mos përfundonte mandatin e tij, duke shtuar se i vjen keq që nuk ishte i suksesshëm në bindjen e partisë së tij që të vazhdonte ta mbështeste atë, duke e quajtur “instinkti i tufës” i partisë ishte i fuqishëm.
Ai nuk kërkoi falje për sjelljen e tij në detyrë. Ai tha se ka emëruar një kabinet të ri ndërsa mbetet si kryeministër i Mbretërisë së Bashkuar derisa të zgjidhet një pasardhës, duke shtuar se një plan kohor për largimin e tij do të shpallet javën e ardhshme.
“Dua që të dini sa i trishtuar jam që po heq dorë nga puna më e mirë në botë,” tha ai.
Pas ditësh beteje për punën e tij, Johnson i rrënuar nga skandali ishte braktisur nga të gjithë, përveç një grushti aleatësh, pasi më i fundit në një seri skandalesh theu gatishmërinë e tyre për ta mbështetur atë.
/Argumentum.al