Kohët e fundit, Kina ka forcuar sipas ligjit masat e kontrollit të artikujve me përdorimi të dyfishtë ndaj Japonisë. Por pala janponeze nuk e ka marrë parasysh rrënjën e kësaj çështjeje, përkundrazi, e ka shpifur palën kineze për “kërcënimin ekonomik” dhe kryeministrja Takaichi Sanae i paraqiti palës kineze kërkesën e paarsyeshme për tërheqjen e masave kontrolluese. Lidhur me këtë, Ministria e Tregtisë e Kinës iu përgjigj të enjten se “e kundërshton me vendosmëri dhe nuk e pranon”.
Për të njohur arsyeshmërinë dhe domosdoshmërinë e këtij veprimi të palës kineze, duhet të ketë të qartë dy çështje, shkruhet në një koment të Grupit Mediatik të Kinës (CMG).
Së pari, cilët janë “artikujt me përdorim të dyfishtë”? Sipas Rregullore së Republikës Popullore të Kinës mbi Kontrollin e Eksportit të Artikujve me Përdorim të Dyfishtë, këta artikuj kanë përdorimin civil, por edhe atë ushtarak ose janë në ndihmë të ngritjes së potencialit ushtarak, veçanërisht ata mallra, teknologji e shërbime për për projektimin, kërkim-zhvillimitn prodhimin ose përdorimin e armëve me shfarosjen masive dhe të mjeteve përkatëse për transportimin e këtyre armëve, duke përfshirë të dhënat digjitale rreth teknologjive përkatëse.
Së dyti, pse duhet të forcojë masat kontrolluese përkatëse ndaj Japonisë? Dihet nga të gjithët se pas marrjes së detyrës, qeveria e Takaichi-t ka ndërhyrë haptazi në punët e brendshme të Kinës dhe i lëshoi palës kineze kërcënime me forcë. Ajo ka nxitur aktivisht rishikimin e “tre dokumenteve mbi siguri”, ndërsa një politik pranë asaj pretendoi haptazi edhe disponimin e armëve bërthamore nga Japonia.
Këto veprime të rrezikshme demaskojnë ambicien e Takaichi-t dhe të forcës së djathtë japoneze për kapërcimin e frenimit të Kushtetutës së Paqes dhe për shpejtimin e “rimilitalizimit”, e cila me siguri do të dëmtojë paqen e stabilitetin e rajonit dhe dhe të botës, komentoi në artikullin e CMG-së.
Pikërisht në bazë këtyre veprimeve të rrezikshme, Ministria e Tregtisë e Kinës bëri më 6 janar deklaratën, duke ndaluar qartazi eksportin e të gjithë artikujve përkatës ndaj Japonisë, që të frenojë orvatjet e Japonisë për “rimilitalizimin” dhe disponimin e armëve bërthamore. Me këtë veprim, Kina zbaton jo vetëm përgjegjësisë ligjore sipas Ligjit të Kontrollit të Eksportit të Republikës Popullore të Kinës dhe Rregullores mbi Kontrollin e Eksportit të Artikujve me Përdorim të Dyfishtë, por edhe detyrimet ndërkombëtare për parandalimin e përhapjes së armëve bërthamore, komentoi CMG-ja.
foto nga CMG
Duke iu hedhur një vështrim historisë mbi 80 vjeçare të pasluftës, zhvillimi, lulëzimi dhe stabiliteti i qëndrueshëm në rajonin e Azi-Paqësorit kanë ardhur nga thithja e thellë e mësimeve historike të Luftës së Dytë Botërore, ruajtja e përbashkët të rendit ndërkombëtar të pasluftës dhe respekti ndaj ligjit dhe rregullave ndërkombëtare. Megjithatë, që kur qeveria e Takaichi-t erdhi në pushtet, Japonia ka përshpejtuar zgjerimin e saj ushtarak, duke ndikuar seriozisht në rendin e pasluftës dhe sigurinë rajonale, komentoi CMG-ja.
Në vitin fiskal 2026, buxheti i mbrojtjes i Japonisë tejkaloi 9 trilion jen, shifër kjo shënoi rekord, duke arritur rritjen prej 14 vjetëve me radhë. Ky fond kolosal nuk fokusohet kryesisht në mbrojtjen e sigurisë lokale të Japonisë, por në armët e goditjes me rreze të gjatë.
Ndërkohë, edhe ambicia bërthamore e Japonisë ka shqetësuar gjithashtu komunitetin ndërkombëtar. Statistikat tregojnë se Japonia aktualisht ka 47 tonë rezerva plutoniumi të ndara, tepër më shumë se kërkesa e saj aktuale për energjinë bërthamore civile dhe të mjaftueshme për të prodhuar 6 000 koka bërthamore.
Mësimet e Luftës së Dytë Botërore nuk janë shumë larg dhe njerëzit e sotëm nuk mund të përsëritin gabimet e së kaluarës.
Në të njëjtën kohë, komuniteti ndërkombëtar duhet të bashkojë duart dhe të marrë masa thelbësore për të frenuar zgjerimin ushtarak të Japonisë, bëhet thirrje në komentin e CMG-së./cgtn
