“Do të vijnë për të na bindur, më falni, të mos lodhen deri këtu”,- tha të hënën Presidenti Erdoan lidhur me vizitën e ministrave të Jashtëm të Finlandës dhe Suedisë, paralajmëruar për të hënën në Ankara.
Në lidhje me delegacionet e Finlandës dhe Suedisë, që siç është bërë e ditur do të vijnë të hënën në Turqi për të mbajtur takime lidhur me procesin e anëtarësimit të vendeve të tyre në NATO, Presidenti Rexhep Tajip Erdoan (Recep Tayyip Erdoğan) bëri këtë deklaratë:
“A do të vijnë të na bindin, më falni, të mos lodhen”, raporton TRT
Presidenti Erdoan e tha këtë gjatë konferencës së përbashkët për shtyp me homologun e tij algjerian Abdelmadjid Tebboune, i cili ndodhet në kryeqytetin Ankara në kuadër të vizitës së tij zyrtare në Turqi.
Lidhur me Suedinë dhe Finlandën udhëheqësi turk bëri këtë vlerësim:
“Të dyja vendet nuk kanë një qëndrim të hapur dhe të qartë ndaj organizatave terroriste. Të hënën do të vijnë në Turqi. A do të vijnë të na bindin, më falni, të mos lodhen”.
Para së gjithash, në këtë proces ne nuk themi ‘po’ për ata që vendosin sanksione kundër Turqisë; që ata të hyjnë në NATO, një organizatë e sigurisë,- shtoi ai.
Ministrat e Jashtëm suedez dhe finlandez, Ann Linde dhe Pekka Haavisto, kishin njoftuar se do të vinin në Turqi për të diskutuar aplikimet e vendeve të tyre për anëtarësim në NATO.
/Argumentum.al