Greqia proteston ndaj Serbisë dhe Ukrainës për rrëzimin e avionit mallrash

Greqia ka protestuar ndaj Serbisë dhe Ukrainës për mosinformimin në kohë në lidhje me ngarkesën e municioneve në bordin e një avioni ukrainas i cili u rrëzua pranë qytetit verior të Kavala të shtunën mbrëma, thanë të hënën burime diplomatike greke, sipas medias greke Ekathimerini

Avioni Antonov An-12 që mbante 11.5 ton produkte mbrojtëse të prodhuara në Serbi, duke përfshirë mortaja dhe predha stërvitore, u rrëzua në një top flakë, duke shpërthyer në përplasje në fushat e misrit rreth orës 2000 GMT të shtunën. Tetë anëtarët e ekuipazhit ukrainas u vranë.

Ministria e Jashtme greke ka paraqitur një demarsh me ambasadorin e Ukrainës në Athinë për nevojën e njoftimit paraprak të Greqisë nga Ukraina në lidhje me natyrën e ngarkesës së avionit, tha një burim diplomatik grek.

Burime diplomatike greke thanë më herët të hënën se edhe Greqia do të protestonte ndaj Serbisë për të njëjtën arsye.

Ministria e Jashtme e Serbisë nuk ishte menjëherë e disponueshme për koment.

Ministri i Mbrojtjes i Serbisë Nebojsha Stefanoviç tha të dielën në mëngjes ngarkesa e aeroplanit ishte bërë nga industria e mbrojtjes e Serbisë. Ai ishte nisur në orën 1840 GMT të shtunën nga Nishi i Serbisë dhe blerësi i ngarkesës ishte ministria e mbrojtjes e Bangladeshit.

Autoritetet greke rrethuan vendin të shtunën dhe më vonë ndaluan njerëzit të lëviznin përreth dhe këshilluan banorët të mbanin dyert dhe dritaret mbyllur, ndërsa zjarrfikësit me njësinë speciale të reagimit ndaj fatkeqësive po hetonin zonën.

/Argumentum.al