Shqipëria sot ka hapur kufijtë tokësorë me vendet e rajonit, pas mbylljes disa mujore për shkak të pandemisë COVID-19. Megjithatë çuditërisht në kufirin Shqipëri-Kosovë ka patur pakënaqesi për shak të disa masave të marra nga qeveria në detyre e Kosovës.
Së pari vendimi për hapjen e kufirit nga pala kosovare është ndërmarrë vetem 1 ditë përpara, ditën e diele me 31 maji, por nuk është shoqëruar me asnje informacion duke krijuar kolona të gjata të automjeteve.
Së dyti po nga nga pala kosovare ishte përcaktuar një tarife prej 22 eurosh për dezinfektimin e kamioneve të ardhur nga Shqipëria. Kjo shkaktoi radhe kilometrike në të dy anet e kufirit.
Pas reagimit dhe nga Tirana zyrtare, qeveria Kurti e ka anulluar taksen por ka të tjera kushte për shqiptaret e Shqipërisë. Kështu e qytetarët që hyjnë nga Shqipëria në Kosovë duhet të plotësojnë dy kushte; e para të tregojnë tamponin dhe rezultatin e tij negativ, jo më i vjetër se katër ditë, ndërsa e dyta nëse nuk e kanë këtë masë, duhet me patjetër të pranojnë karantinimin për 7 ditë.
Adriatik Stavileci, nga Zyra për Media e Doganës së Kosovës në një prononcim per “Zërin” tha se trafikun e kanë shkaktuar kamionët e kompanive, që po refuzojnë të paguajnë tarifën prej 22 eurove për dezinfektim të maunave.
“Ka kolona të gjata në kufirin Kosovë-Shqipëri, kjo për shkak se kompanitë po hezitojnë të bëjnë pagesat për dezinfektim të maunave”, theksoi Stavileci.
Pengimi i kalimit të kamionëve të Shqipërisë për të hyrë në Kosovë nuk është pritur mirë nga pala shqiptare. Gjatë ditës së sotme, në të cilën ishte caktuar hapja e kufijve tokësorë me vendet e rajonit, një pjesë e kamionëve nga Shqipëria janë penguar nga pala kosovare.
Fillimisht pala kosovare tha se kamionët nuk mund të hynin në territorin kosovar pa kryer dezinfektimin dhe pa paguar një taksë prej 22 eurosh. Por, ky vendim nuk ka zgjatur shumë. Ministria e Brendshme e Kosovës me një reagim në faqen zyrtare në “Facebook”, ka njoftuar se e ka pezulluar taksën e dezinfektimit të mauneve.
Sipas ministrisë, masa e dezinfektimit të mauneve që hynin në Kosovë është aplikuar në kudër të zbatimit të protokolleve, që synojnë frenimin e përhapjes së pandemisë COVID-19.
“Pezullohet kontrata për dezinfektimin e mauneve që vijnë në Republikën e Kosovës. Dezinfektimi i kamionëve parashihej në kuadër të masave për luftimin e pandemisë së COVID-19. Nga ky moment importuesit nuk kanë nevojë t’i dezinfektojnë maunet në pikat kufitare”, thuhet në njoftimin e ministrisë kosovare.
Ndryshe nga tërheqja e masës për kamionët dhe maunet, qeveria e kryeministrit Kurti ka njoftuar se qytetarët që hyjnë nga Shqipëria në Kosovë duhet të plotësojnë dy kushte; e para të tregojnë tamponin dhe rezultatin e tij negativ, jo më i vjetër se katër ditë, ndërsa e dyta nëse nuk e kanë këtë masë, duhet me patjetër të pranojnë karantinimin për 7 ditë.
Ky vendim i qeverisë së Kosovës është marrë ditën e djeshme dhe mbetet në fuqi deri më datë 20 qershor.
Për këtë masë lehtësimi ka reaguar edhe kryeministri Edi Rama.
Me një qëndrim në faqen e tij zyrtare në “Twitter”, shefi i mazhorancës e quan të çuditshem bllokimin e makinave te shqiperisen ne kufirin me Kosoven .
“Na hap kufijtë o Ramazon se gjithë bota i ka hap!” e kur thosha jo s’i ka hap gjithë bota, ne do jemi nga të parët fare, gënjeja unë! Po tani që ne i hapëm e shikoni që të tjerët jo? E pra, unë kam njëmijë të meta, po nuk gënjej dhe mirë a keq them atë që bëj dhe bëj atë që them!”, shkruan Rama.
“Dhe mos keqkuptohemi, s’e kam me bllokimin e çuditshëm të makinave të Shqipërisë në kufirin e Kosovës për dizinfektim, po për plot kufij fqinj ose jo, që janë ende mbyllur! Prandaj durim, besim dhe kujdes nga nxitimi në ngrënien e rrenave se helmojnë gjakun e çorodisin mendjen!’, shton ai.
Ndersa Presidenti Thaci e ka quajtur absurditet kete vendim te Kurtit i cili kathënë se Kurti i ka hapur derën Serbisë në njërën anë dhe se ja ka mbyllur Shqipërisë në anën tjetër. Ai i ka quajtur vendimet si absurde dhe e ka cilësuar Kurtin si “uzurpator”.
Postimi i plotë:
Albin Kurti derisa ka hapur krahë më krah kufirin me Serbinë, për të hyrë kushdo, pa asnjë procedurë si në bahçe të babës, ai nga zyra e uzurpuar sot ka urdhëruar dhe keqpërdorur Policinë e Kosovës. Ai padrejtësisht dhe kundërligjshëm sot ka urdhëruar policinë që të gjithë qytetarët e Shqipërisë që hyjnë në territorin e Kosovës, përpos vonesave procedurale, të dërgohen shtatë ditë në karantinë për të pritur testimin për COVID-19. Po ashtu, me veprime shtesë, ai ka urdhëruar që automjetet transportuese që hyjnë nga territori i Shqipërisë në emër të dezinfektimit të ngarkohen me taksë të veçantë, duke rënduar edhe më shumë lëvizjen e lirë dhe qarkullimin e mallrave.
Ky është absurditet! Hapet me Serbinë dhe e mbyllë Kosovën nga Shqipëria. I heq taksën Serbisë dhe ia vë Shqipërisë.
Ky është predikuesi i bashkimit kombëtar! Në fakt, këto veprime janë shqelmat e fundit të Kurtit nga zyra e uzurpuar! HTH
Presidenti i Kosovës, Hashim Thaçi, ka kritikuar kryeministrit në detyrë, Albin Kurti, për vendimin e tij që qytetarët e Shqipërisë që vijnë në Kosovë të dërgohen në karantinë 7 ditore. Ai po ashtu ka thënë se Kurti i ka hapur derën Serbisë në njërën anë dhe se ja ka mbyllur Shqipërisë në anën tjetër. Ai i ka quajtur vendimet si absurde dhe e ka cilësuar Kurtin si “uzurpator”.
Postimi i plotë:
Albin Kurti derisa ka hapur krahë më krah kufirin me Serbinë, për të hyrë kushdo, pa asnjë procedurë si në bahçe të babës, ai nga zyra e uzurpuar sot ka urdhëruar dhe keqpërdorur Policinë e Kosovës. Ai padrejtësisht dhe kundërligjshëm sot ka urdhëruar policinë që të gjithë qytetarët e Shqipërisë që hyjnë në territorin e Kosovës, përpos vonesave procedurale, të dërgohen shtatë ditë në karantinë për të pritur testimin për COVID-19. Po ashtu, me veprime shtesë, ai ka urdhëruar që automjetet transportuese që hyjnë nga territori i Shqipërisë në emër të dezinfektimit të ngarkohen me taksë të veçantë, duke rënduar edhe më shumë lëvizjen e lirë dhe qarkullimin e mallrave.
Ky është absurditet! Hapet me Serbinë dhe e mbyllë Kosovën nga Shqipëria. I heq taksën Serbisë dhe ia vë Shqipërisë.
Ky është predikuesi i bashkimit kombëtar! Në fakt, këto veprime janë shqelmat e fundit të Kurtit nga zyra e uzurpuar! HTH
© Argumentum
